செப்டம்பர் 5 ஆம் தேதி வங்கிக் காரியங்களுக்கு செல்ல நினைப்பவர்கள் முன்பே சற்று கவனமாக இருக்க வேண்டும். இன்று ஈத்-இ-மிலாத்/மிலாத்-உன்-நபி மற்றும் திருவோணம் பண்டிகை காரணமாக பல நகரங்களில் அரசு மற்றும் தனியார் வங்கிகள் செயல்படவில்லை. ரிசர்வ் வங்கி வெளியிட்டுள்ள விடுமுறை பட்டியலில், அகமதாபாத், ஐஸ்வால், பெங்களூரு, சென்னை, டெல்லி, மும்பை, ஹைதராபாத், லக்னோ உள்ளிட்ட பல நகரங்களில் இன்று வங்கிகள் மூடப்பட்டிருப்பது குறிப்பிடப்பட்டுள்ளது.
மிலாத்-இ-ஷெரீப் அல்லது பரா வஃபாத் என்றும் அழைக்கப்படும் இந்த நாள், நபி ஹஸ்ரத் முகமது சாஹேப்பின் பிறந்த நாளை நினைவுகூரும் வகையில் முஸ்லிம்கள் சிறப்பாகக் கொண்டாடுகின்றனர். அதேசமயம், ஓணம் பண்டிகை கேரளா மாநில மக்களின் மிகப்பெரிய திருநாளாகும். இதனால், நாடு முழுவதும் பல இடங்களில் இன்று வங்கிகள் செயல்படவில்லை.
அடுத்தடுத்த நாட்களிலும் பல்வேறு பண்டிகை மற்றும் சிறப்பு தினங்களுக்காக வங்கிகள் மூடப்படும். உதாரணமாக, செப்டம்பர் 6 ஆம் தேதி ஜம்மு, ஸ்ரீநகர், ராய்ப்பூர் பகுதிகளில் விடுமுறை அறிவிக்கப்பட்டுள்ளது. அதேபோல், நவராத்திரி மற்றும் துர்கா பூஜை காரணமாக செப்டம்பர் மாதத்தில் பல தேதிகளில் வங்கிகள் மூடப்படுகின்றன. எனவே, வங்கிக் காரியங்களை திட்டமிடும்போது விடுமுறை பட்டியலை கவனிக்க வேண்டும்.
ஆனால், வங்கிகள் மூடப்பட்டாலும் ஆன்லைன் சேவைகள் தடையின்றி கிடைக்கும். நெட் பேங்கிங், மொபைல் பேங்கிங், UPI, NEFT, RTGS போன்ற பரிவர்த்தனைகள் இயல்பாக நடைபெறும். அதேபோல், ஏடிஎம் வழியாக பணம் எடுப்பதில் எந்த சிரமமும் இல்லை. எனவே, அவசரத் தேவைகளுக்கு ஆன்லைன் மற்றும் டிஜிட்டல் சேவைகளை பயன்படுத்தலாம்.
