இந்தியாவில் UPI (Unified Payments Interface) பயன்பாடு கடைசிப் புள்ளியில் முன்னேற்றத்தைத் தொடர்ந்து, மக்களின் அன்றாட வாழ்க்கையில் முக்கிய பங்கு வகிக்கிறது. சிறிய கடைகள் முதல் பெரிய மால்கள் வரை, UPI மூலம் பணப் பரிவர்த்தனைகள் மிகவும் பரவலாக நடக்கின்றன.
2025 ஆம் ஆண்டு, UPI பயன்பாடு மேலும் அதிகரித்து, SBI வங்கி வெளியிட்ட தகவலின்படி, இது இந்தியாவின் டிஜிட்டல் பேமெண்ட் அமைப்பின் முதுகெலும்பாக மாறியுள்ளது. ஜனவரி 2025 முதல், அன்றாட UPI பரிவர்த்தனைகள் ரூ.75,743 கோடியை அடைந்திருந்த நிலையில், ஜூலை மாதம் ரூ.80,919 கோடியை தாண்டியுள்ளது. ஆகஸ்ட் மாதம் இதன் சராசரி தினசரி மதிப்பு ரூ.90,446 கோடி வரை உயர்ந்துள்ளது.
எண்ணிக்கையைப் பார்க்கும் பொழுது, ஜனவரி மாதம் 127 மில்லியன் டிரான்ஸாக்ஷன்கள் இருந்தன, ஆகஸ்ட் மாதத்திற்கு இது 675 மில்லியனுக்கு அதிகரித்துள்ளது. இதன் மூலம், இந்தியர்கள் சிறிய முதல் பெரிய அளவிலான பேமெண்ட்களிலும் UPI-ஐ நம்பி வருவதாக தெளிவாக தெரிய வருகிறது.
வங்கித்துறையில் SBI 5.2 பில்லியன் பரிவர்த்தனைகளை நடத்தியுள்ளது. தனியார் வங்கிகள், உதாரணமாக Yes Bank, 8 பில்லியன் பரிவர்த்தனைகள் செய்துள்ளன. இதன் மூலம், அரசுத் துறை வங்கிகளோடு இணையாக தனியார் வங்கிகளிலும் UPI பரிவர்த்தனைகள் அதிகளவில் நடைபெறுவதை காண முடிகிறது.
மாநில வாரியான தரவுகளின்படி, மகாராஷ்டிரா மாநிலம் 9.8 சதவீத பங்குடன் முதலிடத்தில் உள்ளது. கர்நாடகா மாநிலம் 5 சதவீத பங்குடன் இரண்டாம் இடத்தில், உத்தரப்பிரதேசம் 5.3 சதவீத பங்குடன் முன்னணி 5 மாநிலங்களில் ஒன்றாக உள்ளது.
