பொதுமக்கள் அதிக வருமானம் தரும் முதலீடுகளை எதிர்பார்க்கின்றனர். கடந்த காலத்தில் ‘இந்திரா விகாஸ் பத்திரம்’ போன்ற திட்டங்கள் 5 ஆண்டுகளில் இரட்டிப்பு அளவுக்குச் சேமிப்பு தரும் வகையில் இருந்தன. தற்போது இப்படியான திட்டம் இல்லை. தற்போது அஞ்சலகம் வழங்கும் கிசான் விகாஸ் பத்திரம், 7.5% கூட்டுவட்டியில் 115 மாதங்களில், அதாவது 9 ஆண்டுகள் 7 மாதங்களில் இரட்டிப்பு அளவை தருகிறது.
5 ஆண்டுகளில் முதலீடு இரட்டிப்பாக வேண்டுமானால் வருடத்திற்கு 14-15% லாபம் தேவைப்படும். இது வங்கி அல்லது அஞ்சலகத்தில் சாத்தியமில்லை. இப்போது இருப்பது மியூச்சுவல் பண்டுகள் போன்ற உயர் திருப்பீடு தரும் வாய்ப்புகள் தான். ஆனால் இவை சந்தை ஆபத்தை உடையவை.
தங்கத்தின் மதிப்பு சர்வதேச அளவில் ஏற்ற இறக்கமடைவதால், இந்திய ரிசர்வ் வங்கி தங்கத்தை கையிருப்பாக வைத்திருக்கிறது. இது நாட்டின் நிதி நிலைப்பாட்டை உறுதி செய்யும்.வங்கிக் கடன் வட்டியில் ஏற்பட்ட மாற்றங்களை பல வங்கிகள் பழைய வாடிக்கையாளர்களுக்கு வழங்காத நிலை உள்ளது.
இதை தீர்க்க RBI வழிகாட்டும் நெறிமுறைகள் வெளியிட வேண்டும். ஓய்வூதிய உயர்வு குறித்த அறிவிப்புகள், அரசின் பரிசீலனையில் உள்ளன. அது பற்றி இறுதி முடிவுகள் இன்னும் வரவில்லை.தங்க முதலீட்டுப் பத்திர திட்டங்கள் தற்போது அறிவிக்கப்படவில்லை. அஞ்சலகம் மூலம் வந்தால், அதை பயன்படுத்தலாம். வங்கி டிபாசிட் வட்டியைக் குறித்த வரி கணக்கீடு ஆண்டுதோறும் செய்யப்படுகிறது. குறிப்பிட்ட வரம்புக்கு மேல் இருந்தால் TDS பிடிக்கப்படும்.
