2024-25 நிதியாண்டிற்கான வருமான வரி தாக்கல் அதிகாரப்பூர்வமாக தொடங்கியுள்ளது. தற்போது படிவம் 1 முதல் படிவம் 4 வரை கிடைக்கின்றன. ஆனால், மாத சம்பளம் பெறும் நபர்களுக்கான முக்கிய ஆவணமான படிவம் 16 ஜூன் 15-ஆம் தேதி வழங்கப்படும். வருமான வரித்துறை, இவ்வாண்டு ITR தாக்கல் கடைசி தேதியை செப்டம்பர் 15 வரை நீட்டித்துள்ளது. இது, வரிசெலுத்துவோருக்கு தாக்கல் செய்ய போதுமான நேரத்தை அளிக்கிறது.
படிவம் 16 என்பது ஊழியர்களின் வருமான விவரங்களை கொண்ட ஆவணமாகும். இதில் TDS விவரங்கள், மொத்த சம்பள விவரம் மற்றும் சட்டப்படி கிடைக்கும் குறைதவுகள் ஆகியவை சேர்க்கப்பட்டிருக்கும். இதில் பார்ட் A மற்றும் பார்ட் B என்ற இரண்டு பகுதிகள் உள்ளன. பார்ட் A-ல் TDS விவரங்கள் கொடுக்கப்படும்; பார்ட் B-ல் சம்பளத்தின் பிரிவுகள், 80C, 80D போன்ற கழிவுகள் இடம்பெறும். சம்பளத்துக்கு அப்பாற்பட்ட வருமானத்துக்கு படிவம் 16A பயன்படுத்தப்படுகிறது.
இந்த வருடம், படிவம் 16ல் சில மாற்றங்கள் செய்யப்பட்டுள்ளன. கடந்த காலத்தில் ஊழியர்கள் பிற வருமானங்களை நேரடியாக நிறுவனங்களுக்கு தெரிவிக்க முடிந்தது. ஆனால் தற்போது, அந்த தகவல்கள் 12BBA படிவத்தில் குறிப்பிடப்பட வேண்டும். மேலும், தேர்ந்தெடுக்கப்பட்ட வரி திட்டத்தின் அடிப்படையில் நிலையான பிடித்தங்கள், NPS பங்களிப்புகள் உள்ளிட்டவை தெளிவாக இடம் பெற்றுள்ளன.
TDS தொகையை சரியாக கிளைம் செய்ய படிவம் 26AS மற்றும் AIS மூலம் சரிபார்த்தல் அவசியம். சில வருமானங்கள் தவறுவதால், வருமானம் மற்றும் வரித்துறை தகவல்கள் ஒத்துப்போகாமால் கிளைம் மறுக்கப்படலாம். இதனால், ITR தாக்கல் செய்யும் முன் சரியான தகவல்களை உறுதி செய்தல் அவசியம். தவறான அல்லது தவறவிடப்பட்ட TDS கிளைம் மீண்டும் பெற முடியாது என்பதால், ஒழுங்கான முறையில் தகவல்களை இணைத்தல் மிக முக்கியம்.
