ரிசர்வ் வங்கி ஓய்வூதிய வழங்கலில் சில முக்கிய மாற்றங்களை அறிவித்துள்ளது. இது ஓய்வூதியதாரர்களுக்கேற்ற முறையில் அமைந்துள்ளது. சமீபத்தில், ஓய்வூதிய வழங்கலில் தாமதம், கூடுதல் தொகை வரவு மற்றும் ஆயுள் சான்றிதழ் சமர்ப்பிப்பில் ஏற்பட்ட சிக்கல்களைத் தவிர்க்கும் வகையில் புதிய வழிகாட்டுதல்கள் வெளியிடப்பட்டுள்ளன.
அகவிலைப்படி உயர்வு ஏற்பட்டவுடன் வங்கிகள் புதிய விகிதத்தில் ஓய்வூதியத்தை கணக்கிட்டு உடனடியாக வழங்க வேண்டும். மேலும், ‘ஜீவன் பிரமான்’ தளத்தின் மூலம் ஓய்வூதியதாரர்கள் வீட்டிலிருந்தே ஆயுள் சான்றிதழை சமர்ப்பிக்கலாம். ஓய்வூதியதாரர் இறந்த பின்னர், அவருடைய துணைக்கு புதிதாக கணக்கு திறப்பதற்கேதும் தேவை இல்லை.பணத்தை வழங்குவதில் தாமதம் ஏற்பட்டால், அதற்கான வருடாந்த வட்டி 8% வழங்க வேண்டும் என்ற கட்டாயமும் வங்கிகளுக்கு விதிக்கப்பட்டுள்ளது.
தவறுதலாக கூடுதல் பணம் வரவு செய்யப்பட்டால், அதை திரும்பப் பெறுவது குறித்து வங்கிகள் ஓய்வூதிய அதிகாரிகளுடன் ஆலோசிக்க வேண்டும்.இந்த புதிய விதிமுறைகள் ஓய்வூதியதாரர்களின் நலன்களை பாதுகாக்கும் வகையில் அமைந்துள்ளன. ரிசர்வ் வங்கியின் இந்த நடவடிக்கைகள், ஓய்வூதிய வழங்கலை அதிக சீருடனும் முறையாகவும் மாற்றும் என எதிர்பார்க்கப்படுகிறது.
தவிர, வங்கி அலுவலகங்களுக்கு நேரில் செல்லும் சிரமம் குறையும் வகையிலும் மின்னணு சான்றிதழ்கள் முக்கிய பங்கு வகிக்கின்றன.இதனையொட்டி, ஓய்வூதியதாரர்கள் இந்த புதிய விதிமுறைகள் குறித்து தெளிவாக அறிந்திருக்க வேண்டியது அவசியம். இல்லையெனில், மாதாந்த ஓய்வூதியத்தைப் பெறுவதில் தடைகள் ஏற்பட வாய்ப்புள்ளது. அனைத்து வங்கிகளும் இந்த வழிகாட்டுதல்களைக் கடைப்பிடிக்க வேண்டும்.இதன் மூலம் ஓய்வூதியத் திட்டத்தில் அதிக நம்பகத்தன்மை மற்றும் செயல்திறன் ஏற்பட்டுள்ளது. புதிய மாற்றங்கள் ஓய்வூதியதாரர்களின் நலனுக்கே ஏற்கெனவே செய்யப்பட்டுள்ளதாக வங்கி வட்டாரங்கள் தெரிவிக்கின்றன.
