மனைவியின் பெயரில் இருக்கும் சொத்தை விற்பதில் கணவனிடம் அனுமதி தேவைப்படுமா என்ற கேள்வி பலரிடம் குழப்பத்தை ஏற்படுத்துகிறது. சொத்து தனிப்பட்ட முறையில் வாங்கப்பட்டதோ, பரிசாக கிடைத்ததோ, பரம்பரை வழியாக வந்ததோ என்றாலும் அது மனைவியின் பெயரில் இருந்தால் அந்தப் பெண்ணுக்கு முழு உரிமையும் உண்டு. சட்டப்படி, கணவனோ அல்லது வேறு யாரோ அனுமதி கொடுக்க வேண்டிய அவசியமில்லை.
ஒரு பெண் எப்போது வேண்டுமானாலும் தன்னுடைய சொத்தை விற்கலாம், பரிசாக அளிக்கலாம் அல்லது மாற்றலாம். இதில் கணவருக்கு எந்த சட்டப்பூர்வ தலையீடும் இல்லை. ஆனால், அது கூட்டுச் சொத்து என்றால், அதாவது கணவன்-மனைவி இருவரின் பெயரில் இருந்தால், விற்பனைக்கு இருவரின் சம்மதமும் கட்டாயம்.
மறுபுறம், கணவனின் பெயரில் உள்ள தனிப்பட்ட சொத்தில் மனைவிக்கு உரிமை இல்லை. கணவன் உயிருடன் இருக்கும் காலத்தில் அவர் விரும்பினால் மட்டுமே அந்தச் சொத்தில் பங்கைக் கொடுக்க முடியும். ஆனால், கணவன் இறந்த பின், அல்லது விவாகரத்து நடந்தால், மனைவி சட்டரீதியாக ஒரு பங்கைக் கோரலாம்.
திருமணத்திற்கு முன் எவரும் வாங்கிய சொத்து அவருக்கே சொந்தமானது. திருமணத்திற்குப் பிறகு இருவரின் வருமானத்திலிருந்து வாங்கப்பட்ட சொத்து யாரின் பெயரில் இருந்தாலும், அதில் இருவருக்கும் உரிமை இருக்கலாம்.
சமூகத்தில் இன்னும், “மனைவி சொத்தை விற்க கணவனிடம் கேட்க வேண்டும்” என்ற தவறான கருத்து உள்ளது. ஆனால் இந்திய சட்டம் பெண்களுக்கு சம உரிமை அளிக்கிறது. எனவே சொத்து தொடர்பான முடிவுகளில் சட்ட விழிப்புணர்வு மிகவும் அவசியம்.
👉 மனைவியின் சொத்தில் முழு உரிமை மனைவிக்கே.
👉 கூட்டுச் சொத்தில் கணவனின் சம்மதமும் தேவை.
👉 கணவனின் தனிப்பட்ட சொத்தில் மனைவிக்கு உயிரோடு இருக்கும் காலத்தில் உரிமை இல்லை.
