ஒட்டாவா (கனடா): கடந்த ஆண்டு கனடாவில் காலிஸ்தான் பிரிவினைவாதி ஹர்தீப் சிங் நிஜ்ஜார் கொல்லப்பட்டதற்கு நரேந்திர மோடி அரசு உதவியதாக நம்பத்தகுந்த குற்றச்சாட்டுகள் இருப்பதாக பிரதமர் ஜஸ்டின் ட்ரூடோ தெரிவித்துள்ளார். இந்த விவகாரம் இருதரப்பு உறவில் பெரும் விரிசலை ஏற்படுத்தியது. ஜஸ்டின் ட்ரூடோவின் குற்றச்சாட்டைத் தொடர்ந்து 41 கனேடிய தூதரக அதிகாரிகளை இந்தியா திரும்பப் பெற்றது.
மேலும் கனடா தூதர்களை இந்தியாவிலிருந்து வெளியேறவும் உத்தரவிட்டது. இந்த விவகாரம் குறித்து சமீபத்தில் செய்தி வெளியிட்ட அமெரிக்க வாஷிங்டன் போஸ்ட், கனடாவில் சீக்கிய பிரிவினைவாதிகள் மீதான தாக்குதலுக்கு “இந்தியாவில் உள்ள மூத்த அதிகாரி” அங்கீகாரம் அளித்துள்ளதாகவும், அது குறித்த ஆதாரங்களை கனேடிய பாதுகாப்பு அமைப்புகள் சேகரித்துள்ளதாகவும் கூறியுள்ளது.
அந்த மூத்த அதிகாரி யார் என்ற கேள்விக்கு, அந்த நாளிதழ் பின்னர் அமித் ஷா என்று கூறியது. இந்நிலையில், கனடாவில் சீக்கிய பிரிவினைவாதிகள் மீதான தாக்குதலுக்கு அங்கீகாரம் அளித்த தகவலை வாஷிங்டன் போஸ்ட் நாளிதழுக்கு அளித்தவர் அமித் ஷாதான் என்று கனடா வெளியுறவுத்துறை துணை அமைச்சர் டேவிட் மோரசின் தெரிவித்துள்ளார்.
“பத்திரிகையாளர் என்னை அழைத்து அந்த நபரா என்று கேட்டார். அந்த நபர் தான் என்பதை நான் உறுதி செய்தேன்” என்று ராய்ட்டர்ஸ் செய்தி நிறுவனத்திடம் டேவிட் மோரிசன் கூறினார். அதே நேரத்தில் அமித் ஷா மீதான குற்றச்சாட்டுகளுக்கு அவர் எந்த ஆதாரத்தையும் அளிக்கவில்லை என்பது குறிப்பிடத்தக்கது.
