பெய்ஜிங்: இந்தியாவும் சீனாவும் ஏப்ரல் 1, 1950-ல் தூதரக உறவை ஏற்படுத்தின. அதன் 75-வது ஆண்டு நிறைவையொட்டி, இந்திய அதிபர் திரௌபதி முர்முவும், சீன அதிபர் ஜி ஜின்பிங்கும் நேற்று வாழ்த்துகளை பரிமாறிக்கொண்டனர். அப்போது, திரௌபதி முர்மு, “சீனாவும் இந்தியாவும் இன்னும் நெருக்கமாக இணைந்து செயல்பட வேண்டும். இந்த உறவுகள் டிராகன்-யானை (இரு நாடுகளின் அடையாள விலங்குகள்) நடனம் ஆட வேண்டும்.
அண்டை நாடுகளான சீனாவும், இந்தியாவும் அமைதியான முறையில் வாழ்வதற்கான வழிகளைக் கண்டறிய வேண்டும். முக்கிய சர்வதேச விவகாரங்களில் தகவல் தொடர்பு மற்றும் ஒருங்கிணைப்பை மேம்படுத்தவும், அமைதியைப் பாதுகாக்க எல்லைப் பகுதிகளில் ஒன்றிணைந்து செயல்படவும் நான் தயாராக இருக்கிறேன்” என்று ஜி ஜின்பிங் கூறினார்.
2020-ல் கிழக்கு லடாக்கில் இந்திய மற்றும் சீன வீரர்களுக்கு இடையே ஏற்பட்ட மோதலைத் தொடர்ந்து எல்லை பதற்றமாக இருந்தது. கடந்த ஆண்டு அக்டோபரில் கிழக்கு லடாக்கின் டெப்சாங் மற்றும் டெம்சோக் பகுதிகளில் இந்தியாவும் சீனாவும் தங்கள் படைகளைக் குறைத்தபோது இந்தப் பதற்றம் முடிவுக்கு வந்தது. இந்நிலையில், இரு நாட்டு தலைவர்களும் வாழ்த்துக்களை பரிமாறிக்கொண்டுள்ளனர். பிரதமர் நரேந்திர மோடியும், சீன பிரதமர் லீ கியாங்கும் நேற்று வாழ்த்துகளை பரிமாறிக்கொண்டனர்.
