புதுடெல்லி: உலகம் முழுவதும் மைக்ரோசாப்ட் விண்டோஸ் மென்பொருள் செயல்பாட்டில் சிக்கல் ஏற்பட்டுள்ளது. மைக்ரோசாப்ட் மென்பொருள் செயலிழப்பதால் ஐடி ஊழியர்கள் வேலை செய்ய முடியாமல் தவிக்கின்றனர்.
மைக்ரோசாப்ட் உலகளவில் 40 மில்லியனுக்கும் அதிகமான வாடிக்கையாளர்களைக் கொண்டுள்ளது. இந்நிறுவனத்தின் விண்டோஸ் மென்பொருள் பல இடங்களில் பயன்படுத்தப்படுகிறது. தற்போது மைக்ரோசாப்ட் விண்டோஸ் மென்பொருள் செயல்பாட்டில் சிக்கல் உள்ளது. இதனால் ஐடி ஊழியர்கள் வேலை செய்ய முடியாத நிலை ஏற்பட்டுள்ளது.
பெரும்பாலான மைக்ரோசாஃப்ட் சேவைகள் மென்பொருள் புதுப்பிப்புகளில் ஏற்படும் மாற்றங்களால் பாதிக்கப்படுகின்றன. சமீபத்திய புதுப்பிப்புக்குப் பிறகு பயனர்கள் தங்கள் கணினியில் ‘மரணத்தின் நீலத் திரை’யால் குழப்பமடைந்துள்ளனர். Crowdstrike புதுப்பிப்பில் ஏற்பட்ட மாற்றங்களால் Microsoft சேவைகள் முடங்கியுள்ளன. இதன் காரணமாக கணினி தொடர்பான தொழில்நுட்பத் துறைகள் முடங்கின. மைக்ரோசாப்ட் கிளவுட் சேவைகளைப் பயன்படுத்தும் விமான நிறுவனங்கள், மருத்துவமனைகள், வங்கிகள் போன்றவையும் பாதிக்கப்பட்டுள்ளன.
விமான சேவை பாதிக்கப்பட்டுள்ளது
மைக்ரோசாப்ட் விண்டோஸ் மென்பொருளில் உள்ள பாதிப்பு காரணமாக டெல்லி, மும்பை, சென்னை மற்றும் பிற விமான நிலையங்களில் விமான சேவைகள் பாதிக்கப்பட்டுள்ளன. ஸ்பைஸ்ஜெட், இண்டிகோ உள்ளிட்ட நிறுவன விமானங்கள் தாமதமாக புறப்படும் என அறிவிக்கப்பட்டுள்ளது.
அமெரிக்கா, பிரிட்டன், ஜெர்மனி, ஆஸ்திரேலியா ஆகிய நாடுகளிலும் விமான சேவை பாதிக்கப்பட்டுள்ளது. இதையடுத்து அவசர கூட்டத்துக்கு ஆஸி. அரசு அழைப்பு விடுத்துள்ளது.
விளக்கம்
இந்நிலையில், மைக்ரோசாப்ட் வெளியிட்டுள்ள அறிக்கையில், விண்டோஸ் 10 மென்பொருளில் உள்ள பிரச்சனை விரைவில் சரி செய்யப்படும். மாற்று ஏற்பாடுகள் செய்யப்பட்டுள்ளதாகவும், படிப்படியாக இயல்பு நிலை திரும்பும் என்றும் தெரிவிக்கப்பட்டுள்ளது.
