வாஷிங்டன்: கடந்த 2 ஆண்டுகளாக நடந்து வந்த இஸ்ரேல்-ஹமாஸ் போர் தற்போது முடிவுக்கு வந்துள்ளது. அக்டோபர் 10 முதல் தற்காலிக போர் நிறுத்தம் அமலுக்கு வந்தது. போரை முடிவுக்குக் கொண்டுவர 20 அம்ச அமைதித் திட்டத்தை அமெரிக்க அதிபர் டொனால்ட் டிரம்ப் முன்மொழிந்தார்.
அதன்படி, முதல் கட்டத்தில் பணயக்கைதிகள் விடுவிக்கப்பட உள்ளனர். அமைதி ஒப்பந்தத்தை இறுதி செய்வதற்கான முக்கிய கூட்டம் இன்று அமெரிக்க அதிபர் டிரம்ப் தலைமையில் எகிப்தின் ஷர்ம் எல்-ஷேக்கில் நடைபெறும். எகிப்து அதிபர் அப்தெல் ஃபத்தா அல்-சிசி உட்பட 20-க்கும் மேற்பட்ட நாடுகளின் தலைவர்கள் இந்தக் கூட்டத்தில் பங்கேற்க உள்ளனர். இஸ்ரேல் மற்றும் ஹமாஸ் இடையே போர் நிறுத்த ஒப்பந்தம் கையெழுத்தாக உள்ளது.
இந்த நிலையில், போர் நிறுத்த ஒப்பந்தத்தை இறுதி செய்வதற்காக எகிப்துக்குச் செல்வதற்கு முன்பு அமெரிக்க அதிபர் டிரம்ப் இஸ்ரேலுக்குப் புறப்பட்டார். பின்னர், அவர் பேசுகையில், வரி விதிப்பு மூலம் இந்தியா-பாகிஸ்தான் போரை நிறுத்தியதாகக் கூறினார். இன்று காசா அமைதி உச்சி மாநாடு – மோடிக்கு அழைப்பு அமெரிக்க அதிபர் டிரம்ப் தலைமையில் இன்று எகிப்தில் காசா அமைதி உச்சி மாநாடு நடைபெறுகிறது. இன்று எகிப்தில் நடைபெறும் காசா அமைதி உச்சி மாநாட்டில் பங்கேற்க பிரதமர் நரேந்திர மோடிக்கு அழைப்பு விடுக்கப்பட்டுள்ளது.
இந்தியா சார்பாக வெளியுறவுத்துறை இணையமைச்சர் கே.வி. சிங் காசா அமைதி உச்சி மாநாட்டில் பங்கேற்பார். இன்று எகிப்தில் நடைபெறும் உச்சி மாநாட்டில் இஸ்ரேலுக்கும் காசாவுக்கும் இடையே அமைதி ஒப்பந்தம் கையெழுத்தாகும். டிரம்பின் தலைமையில் நடைபெறும் காசா அமைதி உச்சி மாநாட்டை ஹமாஸ் புறக்கணிக்கும் என்றும் தெரிவிக்கப்பட்டுள்ளது. போர் நிறுத்த ஒப்பந்தங்கள் காசாவின் நலன்களுக்கு எதிரானவை என்று ஹமாஸ் தலைவர்கள் கருத்து தெரிவித்துள்ளனர்.
