புதுடெல்லி: இரண்டாவது ஆசிய பசிபிக் அமைச்சர்கள் மாநாடு டெல்லியில் கடந்த இரண்டு நாட்களாக (செப்டம்பர் 11 மற்றும் 12) நடைபெற்றது. இதில் ஆசிய பசிபிக் பிராந்திய நாடுகளைச் சேர்ந்த போக்குவரத்து மற்றும் விமான போக்குவரத்து அமைச்சர்கள், ஒழுங்குமுறை அமைப்புகள் மற்றும் தொழில் வல்லுநர்கள் கலந்து கொண்டனர்.
இந்த மாநாட்டில், இந்திய விமானப் போக்குவரத்துத் துறை அமைச்சர் ராம்மோகன் நாயுடு, துறைச் செயலர் வும்லுன்மாங் வுவல்னம் மற்றும் துறையின் மூத்த அதிகாரிகள் சீனக் குழுவுடன் பேச்சுவார்த்தை நடத்தினர். தொடர்ந்து, அமைச்சர் ராம்மோகன் நாயுடு வெளியிட்ட ‘எக்ஸ்’ பதிவேடு:-
சீனாவின் சாங் ஜியாங் தலைமையிலான சீனக் குழுவை மரியாதை நிமித்தமாகச் சந்தித்தோம். இந்த சந்திப்பில், இந்தியா மற்றும் சீனா இடையே சிவில் விமானப் போக்குவரத்தில் ஒத்துழைப்பை வலுப்படுத்துவது மற்றும் பயணிகள் விமான சேவையை மீண்டும் தொடங்குவது குறித்து இரு தரப்புக்கும் இடையே பேச்சுவார்த்தை நடத்தப்பட்டது.
பேச்சுவார்த்தையில் எந்த முடிவும் எட்டப்படவில்லை என்றார். 2020-ம் ஆண்டில், கொரோனா தொற்றுநோய்களின் போது இந்தியாவிற்கும் சீனாவிற்கும் இடையிலான பயணிகள் விமான சேவை நிறுத்தப்பட்டது.
இதுவரை இரு நாடுகளுக்கு இடையே இண்டிகோ மற்றும் ஏர் இந்தியா விமானங்களின் நேரடி விமானங்கள் இயக்கப்படவில்லை. இந்நிலையில், நான்கு ஆண்டுகளுக்குப் பிறகு இந்தியா – சீனா இடையே மீண்டும் பயணிகள் விமான சேவை விரைவில் தொடங்கப்படும் என்று எதிர்பார்க்கப்படுகிறது.
