கடந்த மாதம் நடந்த இஸ்ரேல் தாக்குதலில் ஈரான் அதிபர் மசூத் பெஜஸ்கியான் காயமடைந்ததாக புதிய தகவல் வெளியாகியுள்ளது. ஈரான் அணு ஆயுத திட்டத்துக்கு எதிராக, தமக்கு ஏற்பட்ட ஆபத்தைக் காரணமாகக் கூறி இஸ்ரேல், ட்ரோன் மற்றும் ஏவுகணைகளை பயன்படுத்தி தீவிர தாக்குதலில் ஈடுபட்டது. இந்த சம்பவத்தில் இரு நாடுகளுக்குமே பெரும் சேதங்கள் ஏற்பட்டன. பலர் உயிரிழந்ததுடன், நூற்றுக்கணக்கானோர் காயமடைந்தனர். இந்நிலையில், அமெரிக்காவின் நேரடி தலையீட்டால் தற்போது ஒரு படைநிறுத்த நிலை உருவாகி உள்ளது.
இஸ்ரேல் தாக்குதலுக்கு பதிலடி வழங்கும் நோக்கத்தில் ஈரானும் போர்திறனை வெளிப்படுத்தியது. குறிப்பாக, கடந்த வாரம் நடந்த ஈரான் தேசிய பாதுகாப்பு கவுன்சில் கூட்டத்தில், அதிபர் மசூத் பெஜஸ்கியான், பார்லிமென்ட் சபாநாயகர் முகமது பாகேர், நீதித்துறைத் தலைவர் மோசெனி எஜெய் உள்ளிட்டோர் பங்கேற்றனர். இந்த கூட்டம் நடைபெறுவதற்குள் குறிவைக்கப்பட்ட கட்டடத்தில் ஆறு ஏவுகணைகள் வீசப்பட்டதாக கூறப்படுகிறது.
அந்த தாக்குதலில் உள்ளே இருந்தோர் உடனடியாக அவசர வழியாக வெளியேற்றப்பட்டதாகவும், அதின்போதும் சில முக்கிய தலைவர்கள், குறிப்பாக அதிபர் மசூத் பெஜஸ்கியான் ஆகியோர் காயமடைந்ததாகவும் ஈரான் புரட்சிகரப்படையுடன் (IRGC) இணைந்த தகவல் வளம் தெரிவித்துள்ளது. இதுவரை அதிகாரப்பூர்வ அறிவிப்புகள் எதுவும் வெளியிடப்படாத நிலையில், இந்த தகவல் பல சர்வதேச ஊடகங்களில் பரபரப்பாக பேசப்படுகிறது.
முந்தைய அறிக்கைகளில் மசூத் பெஜஸ்கியான் தன்னை கொல்ல இஸ்ரேல் சதி செய்து வருவதாகக் குற்றம்சாட்டியிருந்தது குறிப்பிடத்தக்கது. தற்போது வெளியாகியிருக்கும் தகவல், அந்த குற்றச்சாட்டுக்கு ஒத்த ஆதாரமாகவே கருதப்படுகிறது. ஈரான் அரசியல் சூழ்நிலையை நெருக்கடிக்குள்ளாக்கும் இந்த விவகாரம், மேற்கு ஆசிய ஒட்டுமொத்த நிலைமையையும் பாதிக்கக்கூடியதாக அமையும் என மதிப்பீடு செய்யப்படுகிறது.
