ஸ்டாக்ஹோம்: மருத்துவம், இயற்பியல், வேதியியல், இலக்கியம், அமைதி மற்றும் பொருளாதாரம் ஆகிய துறைகளில் சிறந்த பங்களிப்புகளைச் செய்தவர்களுக்கு விஞ்ஞானி ஆல்ஃபிரட் நோபலின் நினைவாக மருத்துவத்திற்கான நோபல் பரிசு ஆண்டுதோறும் வழங்கப்படுகிறது. அந்த வகையில், இந்த ஆண்டுக்கான நோபல் பரிசு வென்றவர்களின் அறிவிப்பு நேற்று வெளியிடப்பட்டது.
உடலின் நோய் எதிர்ப்பு சக்தி குறித்த ஆராய்ச்சிக்காக அமெரிக்காவைச் சேர்ந்த மேரி இ. பிராங்கோவ், ஸ்வீடனைச் சேர்ந்த பிரெட் ராம்ஸ்டெல் மற்றும் ஜப்பானைச் சேர்ந்த ஷிமோன் சகாகுச்சி ஆகியோருக்கு இந்த ஆண்டுக்கான மருத்துவத்திற்கான நோபல் பரிசு வழங்கப்பட்டுள்ளதாக ஸ்வீடனில் உள்ள கரோலின்ஸ்கா நிறுவனத்தின் நோபல் குழு ஒரு அறிக்கையில் தெரிவித்துள்ளது.
அவர்களின் கண்டுபிடிப்புகள் புற்றுநோய் மற்றும் பிற நோய்களுக்கு சிகிச்சையளிக்க நோயெதிர்ப்பு மண்டலத்தைப் பயன்படுத்துவது குறித்த ஆராய்ச்சிக்கு வழிவகுத்தன. உடலின் சக்திவாய்ந்த நோயெதிர்ப்பு அமைப்பு ஒழுங்குபடுத்தப்பட வேண்டும் என்று அவர்கள் குறிப்பிட்டனர்.
இல்லையெனில், அது நமது சொந்த உறுப்புகளைத் தாக்கும். நவீன நோயெதிர்ப்பு அறிவியலின் திறவுகோல், நோயெதிர்ப்பு மண்டலத்தின் பாதுகாவலர்கள், ஒழுங்குமுறை டி செல்களை அடையாளம் காண்பதன் மூலம் அவர்கள் புதிய ஆராய்ச்சிக்கு அடித்தளமிட்டுள்ளனர். இந்த கண்டுபிடிப்புகள் மருத்துவ பரிசோதனைகள் மூலம் மதிப்பிடப்படும் ஒரு சிகிச்சை முறையை உருவாக்க வழிவகுத்துள்ளன. இவ்வாறு அதில் கூறப்பட்டுள்ளது.
