இஸ்லாமாபாத்: ஷாங்காய் ஒத்துழைப்பு உச்சி மாநாட்டில் பங்கேற்க வந்த பாகிஸ்தான் வெளியுறவு அமைச்சர் ஜெய்சங்கரை, பாகிஸ்தான் பிரதமர் ஷாபாஸ் ஷெரீப் அன்புடன் வரவேற்றார்.
2023-24-ம் ஆண்டிற்கான ஷாங்காய் ஒத்துழைப்பு அமைப்பின் (எஸ்சிஓ) தலைவராக பாகிஸ்தான் பொறுப்பேற்றுள்ளது. இதன் காரணமாக இந்த ஆண்டுக்கான எஸ்சிஓ மாநாடு பாகிஸ்தான் பிரதமர் ஷெபாஸ் ஷெரீப் தலைமையில் இஸ்லாமாபாத்தில் தற்போது நடைபெற்று வருகிறது.
இந்த உச்சிமாநாட்டில் எஸ்சிஓ அமைப்பின் உறுப்பு நாடுகளான இந்தியா, சீனா, ரஷ்யா, ஈரான், கஜகஸ்தான், பெலாரஸ், கிர்கிஸ்தான், தஜிகிஸ்தான் மற்றும் உஸ்பெகிஸ்தான் ஆகிய நாடுகளின் பிரதிநிதிகள் கலந்து கொண்டனர்.
இந்த மாநாடு தொடர்பாக ஷெபாஸ் ஷெரீப் பிரதமர் நரேந்திர மோடியை சந்தித்து பேசினார். அவரது அழைப்பை ஏற்று, பிரதமர் மோடிக்கு பதிலாக ஜெய்சங்கர் பங்கேற்றார்.
இதற்காக நேற்று இஸ்லாமாபாத் சென்ற ஜெய்சங்கரை விமான நிலையத்தில் வெளியுறவுத் துறை பொதுச் செயலாளர் (தெற்காசியா) இல்யாஸ் மெஹ்மூத் நிஜாமி வரவேற்றார்.
மேலும், பாரம்பரிய உடை அணிந்த ஒரு சிறுவனும், சிறுமியும் ஜெய்சங்கரை பூங்கொத்து கொடுத்து வரவேற்றனர். இதைத் தொடர்ந்து, விருந்தினர்களுக்கு ஷெபாஸ் ஷெரீப் அளித்த விருந்தில் ஜெய்சங்கர் கலந்து கொண்டார்.
அப்போது கைகூலுக்கு வந்த ஜெய்சங்கரை ஷெபாஸ் ஷெரீப் உற்சாகமாக வரவேற்றார். இரண்டாவது நாளான இன்று, மாநாடு நடக்கும் இடத்திற்கு வந்த ஜெய்சங்கரை, ஷேபாஸ் ஷெரீப் உற்சாகமாக கைகுலுக்கி வரவேற்றார்.
பின்னர் இருவரும் சிறிது நேரம் பேசிக் கொண்டிருந்தனர். இந்த மாநாட்டில் வர்த்தகம் மற்றும் பொருளாதாரம் தொடர்பான பல்வேறு அம்சங்கள் விவாதத்திற்கு எடுத்துக் கொள்ளப்படும்.
2016-ம் ஆண்டுக்குப் பிறகு பாகிஸ்தானுக்குச் செல்லும் முதல் மத்திய அமைச்சர் ஜெய்சங்கர் ஆவார். ஆகஸ்ட் 2016-ல் அப்போதைய உள்துறை அமைச்சர் ராஜ்நாத் சிங் பாகிஸ்தானில் நடைபெற்ற சார்க் உள்துறை அமைச்சர்கள் மாநாட்டில் கலந்துகொள்ள இஸ்லாமாபாத் சென்றார்.
அதன்பிறகு, பாகிஸ்தானில் எந்த ஒரு கூட்டத்திலும் இந்திய அமைச்சர்கள் கலந்து கொள்ளவில்லை. வெளியுறவுத்துறை அமைச்சர் சுஷ்மா சுவராஜ் கடந்த 2015-ம் ஆண்டு டிசம்பர் மாதம் பாகிஸ்தானுக்கு சென்றார்.
