மேற்கு ஆசியா தற்போது மிகுந்த பதற்றத்தில் உள்ளது. ஈரான், இஸ்ரேல் மீது கொத்து வெடிகுண்டுகளை வீசத் தொடங்கியதால், நிலைமை சிக்கலாகியுள்ளது. இந்நிலையில் அமெரிக்கா இப்போரில் நேரடி ஈடுபாடு செலுத்துமா என்ற கேள்வி எழுந்துள்ளது. அதற்கு இரண்டு வாரங்களில் முடிவெடுப்பதாக அதிபர் டிரம்ப் தெரிவிக்கிறார் என வெள்ளை மாளிகை அறிவித்துள்ளது.
இஸ்ரேல், ஈரானின் தலைநகர் தெஹ்ரானில் உள்ள ஏவுகணை தயாரிப்பு ஆலைகளையும் ராணுவ தலைமையகத்தையும் தாக்கி கமாண்டரை கொன்றதாக கூறியுள்ளது. அதே நேரத்தில், ஈரான் இஸ்ரேலின் பீர்ஷிபா தொழில்நுட்ப பூங்காவை ஏவுகணை மூலம் தாக்கியுள்ளது. இதில் மைக்ரோசாஃப்ட் அலுவலகம் சேதமடைந்ததாக தகவல்கள் தெரிவிக்கின்றன.
ஈரான் பயன்படுத்திய கொத்து குண்டுகள் 7 கிலோமீட்டர் உயரத்தில் வெடித்து 20 சிறிய குண்டுகளாக சிதறியுள்ளதாக இஸ்ரேல் கூறியுள்ளது. இந்தக் குண்டுகள் தரையில் விழும்போது உடனடியாகவோ அல்லது பின்னர் வெடிக்கக்கூடும். பல சமயங்களில் அவை வெடிக்காமலே ஆண்டுகள் கடந்தும் உண்டாகும் ஆபத்துகளுக்கு காரணமாகவுள்ளன.
இந்த கொத்து குண்டுகளுக்கு 2008-ஆம் ஆண்டில் டப்ளினில் நடைபெற்ற மாநாட்டில் தடை விதிக்க முடிவு செய்யப்பட்டது. 2010 முதல் இதன் உற்பத்தி, வாங்கும் செயல் அனைத்தும் தடைசெய்யப்பட்டன. ஆனால், அமெரிக்கா, இஸ்ரேல், ஈரான், இந்தியா, ரஷ்யா, சீனா உள்ளிட்ட நாடுகள் இந்த ஒப்பந்தத்தில் கையெழுத்திடவில்லை.
2006-ம் ஆண்டு லெபனான் போர் மற்றும் ரஷ்யா-உக்ரைன் போர் உள்ளிட்ட நேரங்களில் இந்தக் குண்டுகள் பயன்படுத்தப்பட்டிருக்கின்றன. இலங்கையிலும் 2009 போரில் இது பயன்படுத்தப்பட்டதாக புகார்கள் எழுந்தன. தற்போது இஸ்ரேல் – ஈரான் மோதல் மீண்டும் உலக நாடுகளின் கவனத்தை இந்தக் கொத்து குண்டுகளின் பேரிலே திருப்பியுள்ளது.
உலகளாவிய அரசியல் சூழல் தற்போது மிகுந்த கவனிப்பிற்குரியது. இவ்வாறு நடக்கும் தாக்குதல்கள் அனைத்தும் புவிசார் நியாயங்களையும், பொருளாதார நிலைகளையும் மாற்றக்கூடியவை.
