டெக்சாஸ்: ஸ்டார்ஷிப் சூப்பர் ஹெவி ராக்கெட் 11-வது சோதனைப் பயணம் வெற்றி அடைந்துள்ளதாக ஸ்பேஸ்எக்ஸ் நிறுவனம் தெரிவித்துள்ளது.
ஸ்டார்ஷிப் சூப்பர் ஹெவி ராக்கெட் 11-வது சோதனைப் பயணத்தை வெற்றிகரமாக முடித்துள்ளதாக ஸ்பேஸ்எக்ஸ் நிறுவனம் தெரிவித்துள்ளது. அமெரிக்காவில் டெக்சாஸில் உள்ள ஏவுதளத்தில் இருந்து விண்ணில் செலுத்தப்பட்ட ராக்கெட்டின் சூப்பர் ஹெவி பூஸ்டர், மெக்சிகோ வளைகுடா கடலில் பத்திரமாகத் தரையிறங்கியது.
சந்திரன், செவ்வாய் மற்றும் அதற்கு அப்பால் உள்ள கிரகங்களுக்கு எதிர்கால பயணங்களை மேற்கொள்ளும் வகையில் திறமையான மீண்டும் பயன்படுத்தக்கூடிய விண்வெளி வாகனங்களை உருவாக்கும் திட்டத்தில், இந்த சோதனைப் பயணம் முக்கியமான அத்தியாயம் என ஸ்பேஸ்எக்ஸ் நிறுவனம் தெரிவித்துள்ளது.
வளிமண்டலத்தில் ராக்கெட்டின் பாதுகாப்பை மேம்படுத்துதல், நிர்ணயிக்கப்பட்ட இடத்தில் மீண்டும் பாதுகாப்பாக தரையிறங்குவதல் உள்ளிட்டவை குறித்தும் ஆராயப்பட்டதாக ஸ்பேஸ்எக்ஸ் நிறுவனம் தெரிவித்துள்ளது.
