தஞ்சாவூர்: தஞ்சை மாவட்டம் திருவையாறில் அரசு நூலகம் சார்பில் நூல் வாசிப்பு இயக்கம் நடந்தது.
திருவையாறு அரசு முழு நேர கிளை நூலகம் சார்பில் தஞ்சையில் நடைபெறும் புத்தக கண்காட்சியை முன்னிட்டு நூல் வாசிப்பு இயக்கம் அரசு இசைக் கல்லூரியில் நடைபெற்றது.
இசைக் கல்லூரி முதல்வர் ஸ்ரீவித்யா, பேராசிரியர் கோவிந்தராஜன், வாசகர் வட்டத் தலைவர் கணேசன், கிளை நூலகர் காமராஜ் ஆகியோர் பள்ளி, கல்லூரி மாணவ, மாணவிகள் நூல்கள் வாசிப்பதால் ஏற்படும் நன்மைகள் குறித்தும் அதனால் ஏற்படும் பயன்கள் குறித்தும் பேசினர்.
இதில் இசைகல்லூரி மாணவ, மாணவிகள் நூலக உறுப்பினராக தங்களை இணைத்துக் கொண்டனர். இதில் கல்லூரி பேராசிரியர்கள் மாணவ, மாணவிகள் வாசகர் வட்ட நிர்வாகிகள் கலந்து கொண்டனர்.
இதே போல் பொதுமக்கள் கூடும் இடங்களில் பொதுமக்களிடம் புத்தகங்கள் கொடுத்து புத்தகங்களை படிக்க வைத்து புத்தகம் படிப்பதால் ஏற்படும் நன்மைகள் குறித்தும் அரசு கிளை நூலகர் காமராஜ், உதவி நூலகர் சாமிநாதன் ஆகியோர் எடுத்து கூறினார்கள்.
