கொரோனா பரவல் காலத்திற்குப் பிறகு மக்கள் உடல்நலத்தில் அதிக அக்கறை செலுத்தத் தொடங்கினர். இதன் தாக்கமாக, உடல்நலக் காப்பீடு எடுப்பவர்களின் எண்ணிக்கையும் அதிகரித்துள்ளது. ஆனால், அதே நேரத்தில், 70 வயதிற்கு மேற்பட்ட ஆண்களில் புரோஸ்டேட் புற்றுநோய் அதிகரித்து வருவது கவலைக்குரிய விடயமாக இருக்கிறது.
புரோஸ்டேட் புற்றுநோய் என்பது ஆண்களில் மட்டுமே காணப்படும் ஒரு அபாயகரமான நோயாகும். இது விந்து உற்பத்தியில் முக்கிய பங்கு வகிக்கும் புரோஸ்டேட் சுரப்பியில் ஏற்படும் செல்கள் கட்டுப்பாடின்றி பெரிதாக வளருவதால் ஏற்படுகிறது. ஆரம்ப கட்டத்தில் கண்டறிந்து சிகிச்சை பெறும் போது, குணப்படுத்தும் வாய்ப்பு அதிகம் உள்ளது.
குடும்பத்தில் ஏற்கனவே இந்த நோயால் யாராவது பாதிக்கப்பட்டிருந்தால், அந்த மரபில் பிறக்கும் சந்ததிகளுக்கும் பாதிப்பின் சாத்தியம் அதிகமாக இருக்கும். சிறுநீரில் இரத்தம் காணப்படுதல், விந்து வெளியேறும் போது வலி, அடிக்கடி சிறுநீர் கழிக்க வேண்டிய நிலை, கழிக்க சிரமம், விறைப்புத் தன்மை குறைபாடு ஆகியவை முக்கிய எச்சரிக்கை அறிகுறிகளாக கருதப்பட வேண்டும்.
இந்த அறிகுறிகள் தென்பட்டவுடன் உடனடியாக மருத்துவரை அணுகி பரிசோதனை செய்துகொள்வது அவசியம். வசிக்கும் பகுதியில் சுகாதார விழிப்புணர்வு அதிகமிருக்கும்போது ஸ்கிரீனிங் விகிதமும் அதிகரிக்கும். ஆரம்ப கட்டத்தில் கண்டறியப்படும்போது, நோயால் பாதிக்கப்படும் உயிர் விகிதம் குறைக்கப்படும்.
ஒரு மில்லியன் மக்களில் சுமார் 90 பேர் இந்த நோயால் பாதிக்கப்படலாம். ஆனால் அவர்களில் பெரும்பாலானோர் தாமதமாக மருத்துவமனைக்கு செல்லும் காரணத்தால் நோய் விரைவில் பரவியபின் சிகிச்சை பலனளிக்காது. இருப்பினும், சமீபத்திய மருத்துவ முன்னேற்றங்கள் இந்த நோயை விரைவில் குணப்படுத்த வழி வகுக்கின்றன.
உடல் பருமன் மற்றும் சில உணவுப் பழக்கவழக்கங்கள் இந்த நோயை ஏற்படுத்தும் ஆபத்தைக் கூட்டும். ஆரம்ப கட்டத்தில் சிகிச்சை தொடங்கும்போது, மருந்துகளால் கூட குணப்படுத்த முடியுமென மருத்துவர்கள் தெரிவிக்கின்றனர். சில நேரங்களில் கீமோதெரபி, ஹார்மோன் சிகிச்சை, கதிர்வீச்சு சிகிச்சை போன்றவை தேவைப்படலாம்.
சோர்வு, கால்களில் வீக்கம், எலும்பு வலி போன்ற அறிகுறிகள் இருந்தால் கூட, புரோஸ்டேட் புற்றுநோயுக்கான பரிசோதனையை செய்ய வேண்டும். இது தவிர, 50 வயதுக்கு மேற்பட்ட ஆண்கள், வருடத்திற்கு ஒரு முறை இந்த நோயுக்கான பரிசோதனையை கட்டாயமாக மேற்கொள்ள வேண்டும்.
இதே நேரத்தில், துல்லியமான நோயறிதலுக்காக எம்ஆர்ஐ ஸ்கேன் போன்ற நவீன பரிசோதனைகள் தேவைப்படலாம். நேரத்தோடு எடுத்த நடவடிக்கைகள் மட்டுமே உயிர் காப்பாற்றும் என்பதை உணர்வது மிக முக்கியம்.
