சென்னை: முகேஷ் குமார் சிங் இயக்கிய, பான் இந்தியா படமான ‘கண்ணப்பா’வில் விஷ்ணு மஞ்சு, சரத்குமார், பிரபாஸ், மோகன் பாபு, மோகன்லால், அக்ஷய் குமார், காஜல் அகர்வால், பிரீத்தி முகுந்தன், மதுபாலா, சம்பத் ராம் மற்றும் தேவராஜ் ஆகியோர் நடிக்கின்றனர்.
27-ம் தேதி வெளியாகும் இந்த படத்திற்கான நிகழ்வு சென்னையில் நடைபெற்றது. சரத்குமார், சம்பத் ராம், எடிட்டர் ஆண்டனி மற்றும் விநியோகஸ்தர் சக்திவேலன் ஆகியோர் கலந்து கொண்டனர். அப்போது, சரத்குமார் பேசியதாவது:- நியூசிலாந்தில் சுமார் 7,000 ஏக்கர் பரப்பளவில் 120 நாட்கள் படப்பிடிப்பு நடந்தது.
குழந்தையாக இருந்தபோது சுவாமி சிலை மீது கற்களை எறிந்து அவருக்கு எதிராகப் பேசுவது போன்ற காட்சிகள் உள்ளன. அந்த மனப் போராட்டத்தில் இருக்கும் தின்னா பின்னர் எப்படி சிவ பக்தராக மாறுகிறார் என்பதுதான் கதை. நான் தின்னாவின் தந்தையாக நடித்திருக்கிறேன். முகேஷ் குமார் சிங் மகாபாரதத்தின் வெற்றிகரமான இயக்குனர். அவர் 3 ஆயிரம் கோடி ரூபாய் செலவில் மகாபாரதத்தை பிரமாண்டமாக இயக்க திட்டமிட்டுள்ளார்.
