நடிகர் ரஜினிகாந்தின் ‘கூலி’ திரைப்படம் வரும் 14-ம் தேதி வெளியாக உள்ளது. கும்பகோணத்தில் இந்தப் படத்தின் சிறப்பு காட்சிக்கான டிக்கெட்டுக்கு ரூ.400 வசூலிக்கப்படுகிறது. இதனால் அதிர்ச்சியடைந்த அவரது ரசிகர்கள், கூடுதல் கட்டணம் வசூலிப்பவர்கள் மீது நடவடிக்கை எடுக்கக் கோரி கும்பகோணம் பகுதியில் சுவரொட்டிகளை ஒட்டியுள்ளனர்.
இது குறித்து, ரஜினி ரசிகர் மன்ற கும்பகோணம் ஒன்றிய செயலாளர் இன்பராஜ் கூறியதாவது: நாங்கள் கடந்த 30 ஆண்டுகளாக ரஜினி ரசிகர்களாகவே பயணித்து வருகிறோம். அவரது படம் வெளியாகும்போது, பல்வேறு நலத்திட்டங்கள், சுவரொட்டிகள் போன்றவற்றை எங்கள் சொந்த செலவில் எந்த எதிர்பார்ப்பும் இல்லாமல் செய்கிறோம். இங்குள்ள பெரும்பாலான ரசிகர்கள் வசதி படைத்தவர்கள் அல்ல. ஆனால் நாங்கள் ரஜினிக்கு மட்டுமே ரசிகர்கள். இந்நிலையில், கும்பகோணத்தில் உள்ள 3 திரையரங்குகளில் வரும் 14-ம் தேதி கூலி படம் வெளியாக உள்ளது.
கூடுதல் கட்டணம் வசூலிப்பதை கண்டித்து சுவரொட்டிகள் ஒட்டப்பட்டுள்ளன. (அடுத்த படம்) ரஜினிகாந்த் ரசிகர் மன்ற செயலாளர் இன்பராஜ். ஆனால், சிறப்பு காட்சிக்கு நிர்ணயிக்கப்பட்ட கட்டணமாக ரூ.190 மற்றும் ரூ.200 மட்டுமே வசூலிக்க வேண்டும். ஆனால், கூலி படத்தின் சிறப்பு காட்சிக்கு ரூ.400 வசூலிக்கிறார்கள். இது குறித்து அவர்களிடம் கேட்டபோது, விநியோகஸ்தர்கள் கட்டணம் வசூலிக்கச் சொன்னதாக பதிலளித்தனர். இது ரசிகர்களை காயப்படுத்தியுள்ளது, அவர்களை முடக்கி வருகிறது. இதை நாங்கள் வன்மையாகக் கண்டிக்கிறோம்.
மேலும், இதைக் கண்டித்து நகரில் சுவரொட்டிகளை அச்சிட்டு ஒட்டியுள்ளோம். இதைத் தொடர்ந்து, நேற்று (நேற்று முன்தினம் மாலை) நடைபெற்ற அவசரக் கூட்டத்தில், இந்தக் கட்டணப் பிரச்சினை குறித்து ரஜினிகாந்தின் வீட்டிற்குச் சென்று புகார் அளிக்கவும், திரையரங்க உரிமையாளர்கள் மற்றும் விநியோகஸ்தர்கள் மீது மாவட்ட ஆட்சியர் மற்றும் பிற அதிகாரிகளுக்கு புகார் அனுப்பவும், கட்டணம் குறைக்கப்படாவிட்டால் சிறப்புத் திரையிடலைப் புறக்கணிக்கவும் முடிவு செய்துள்ளோம். இவ்வாறு அவர் கூறினார்.
