கோவை: மத்திய பட்ஜெட் அறிவிப்பை தொடர்ந்து, பம்ப்செட் தொழில் புத்துயிர் பெற்றுள்ளதாக, தொழில் துறையினர் தெரிவித்தனர். கோவை மாவட்டம் பம்ப்செட் தொழிலில் உலக அளவில் பிரபலமானது. தேசிய அளவில் பம்ப்செட் விற்பனையில் 50 சதவீதம் கோவை மாவட்டத்தில் உள்ள தொழிற்சாலைகள்தான்.
இதுபோன்ற சூழலில், மூலப்பொருட்கள் விலை உயர்வு உள்ளிட்ட பல பிரச்னைகளால் பாதிக்கப்பட்டுள்ள பம்ப்செட் தொழில், இந்தாண்டு துவக்கத்தில் இருந்தே சிறப்பாக இருந்த நிலையில், பட்ஜெட்டுக்கு பின், மூலப்பொருட்களின் விலை குறைய துவங்கியது. வரும் மாதங்களில் பம்ப்செட் தொழில் சிறந்த வளர்ச்சியை பதிவு செய்யும் என அறிவிப்பு.
.jpg?w=1200&h=675&auto=format%2Ccompress&fit=max&enlarge=true)
இந்திய பம்ப்செட் உற்பத்தியாளர்கள் சங்கத்தின் (ஐபிஎம்ஏ) தலைவர் கார்த்திக் கூறும்போது, “இந்த ஆண்டு ஜனவரி முதல் ஜூன் 15 வரை பம்ப்செட் தொழில் நல்ல வளர்ச்சியைப் பதிவு செய்துள்ளது. நாடு முழுவதும் பருவமழை தொடர்ந்து பெய்து வரும் நிலையில், அதன் தாக்கம் பம்ப்செட் விற்பனையில் எதிரொலிக்கத் தொடங்கியுள்ளது. மத்திய அரசு பட்ஜெட்டில் தாமிரம் உள்ளிட்ட முக்கிய மூலப்பொருட்களுக்கான இறக்குமதி வரியை குறைத்துள்ளது. இதன் காரணமாக சந்தையில் இந்த பொருட்களின் விலையும் குறைய தொடங்கியுள்ளது. ஒட்டுமொத்தமாக பம்ப்செட் தொழில் தொடர்ந்து நிலையான வளர்ச்சியை பதிவு செய்கிறது.
தேசிய அளவில் பம்ப்செட் விற்பனையில் கோவை மாவட்டம் தொடர்ந்து 50 சதவீத பங்களிப்பை அளித்து வருகிறது,” என்றார். தென்னிந்திய பொறியியல் உற்பத்தியாளர்கள் சங்கத்தின் (சீமா) தலைவர் மிதுன் ராம்தாஸ் கூறும்போது, “கொரோனா பரவலுக்குப் பிறகு, இந்த ஆண்டு பம்ப்செட் துறையில் சீசன் விற்பனை நன்றாக இருப்பதைக் காணலாம். பட்ஜெட் அறிவிப்பைத் தொடர்ந்து பொருட்களின் விலை குறையத் தொடங்கியுள்ளது வரவேற்கத்தக்கது.
இருப்பினும், கடந்த சில ஆண்டுகளாக பம்ப்செட் பொருட்களுக்கான ஜிஎஸ்டி 12 முதல் 18 சதவீதம் வரை உயர்த்தப்பட்டதாலும், மூலப்பொருட்களின் விலை 40 சதவீதம் வரை அதிகரித்ததாலும் தொழில்துறை கடுமையான அழுத்தத்தை எதிர்கொண்டுள்ளது. இந்த பட்ஜெட் அறிவிப்பு தொழில்துறையினர் நெருக்கடியில் இருந்து மீண்டு வருவதற்கான வாய்ப்பை ஏற்படுத்தியுள்ளது. சந்தையின் தற்போதைய நிலவரத்தைக் கருத்தில் கொண்டு, தீபாவளிக்குப் பிறகு, பம்ப்செட் தொழில் சிறந்த வளர்ச்சியைப் பதிவு செய்யும் என்று நாங்கள் நம்புகிறோம்.
