சமூக வலைதளங்களில் பரவிய “செப்டம்பர் 30க்குள் KYC அப்டேட் செய்யாவிட்டால் Jan Dhan வங்கி கணக்குகள் முடக்கப்படும்” என்ற செய்தி, பலரிடையே பதற்றத்தை ஏற்படுத்தியது. பலரும் வங்கிகளை நாடி, கணக்குகளை அப்டேட் செய்ய பரபரப்பாக ஓடினார்கள். இதைத் தொடர்ந்து, மத்திய அரசு தெளிவான விளக்கம் அளித்து, இந்த தகவல் தவறானது என உறுதியளித்துள்ளது.
மத்திய அரசின் உண்மை தகவல் சரிபார்ப்பு அமைப்பு (PIB Fact Check) மூலம் வெளியிடப்பட்ட தகவலின்படி, KYC விவரங்களை சேர்ப்பது அவசியம் என்றாலும், சேர்க்கப்படவில்லையென்றால் Jan Dhan வங்கி கணக்குகள் முடக்கப்படுவதில்லை. வாடிக்கையாளர்கள் அக்கவுண்டுகளை வழக்கம் போலப் பயன்படுத்தலாம் என்று கூறப்பட்டுள்ளது.
Jan Dhan திட்டத்தின் முக்கிய அம்சங்கள்:
- ரூ.0 இருப்புத்தொகையிலேயே கணக்கு தொடங்கலாம்
- ரூபே டெபிட் கார்டுடன் ₹1-2 லட்சம் விபத்து காப்பீடு
- ₹10,000 வரை ஓவர்டிராஃப்ட் வசதி
- மத்திய மற்றும் மாநில அரசுகளின் மானியங்கள், நிதி உதவிகள் நேரடியாக இந்த கணக்குகளுக்கு அனுப்பப்படுகின்றன
முக்கியமானது என்ன?
- KYC (Know Your Customer) அப்டேட் செய்வது பொதுவாக வங்கிக்காக அவசியம்
- ஆனால், அப்டேட் செய்யவில்லை என்பதற்காக Jan Dhan கணக்குகள் முடக்கப்படுவதில்லை
- வாடிக்கையாளர்கள் தேவையான ஆதாரங்கள் கொண்டு வங்கியிலோ, ஆன்லைனிலோ KYC அப்டேட் செய்யலாம்
இந்த தகவல் மூலம் சமூக வலைதளங்களில் பரவிய தவறான தகவலால் ஏற்பட்ட குழப்பம் நீங்கும் என எதிர்பார்க்கப்படுகிறது. வாடிக்கையாளர்கள் நிதானமாக செயல்பட்டு, பரபரப்புக்கு இடமளிக்க வேண்டாம் என்று வங்கி அதிகாரிகள் அறிவுறுத்தியுள்ளனர்.
