சென்னை: சென்னை ஐசிஎஃப் ஆலையில் தயாரிக்கப்பட்ட வந்தே மெட்ரோ ரயிலின் சோதனை ஓட்டம் சென்னை-காட்பாடி இடையே சனிக்கிழமை (ஆகஸ்ட் 3) நடைபெறுகிறது. சென்னை பெரம்பூர் ஐசிஎஃப் ஆலையில் தற்போது வந்தே பாரத் ரயில்கள் குவிக்கப்பட்டுள்ளன.
இது தவிர அம்ரித் பாரத் ரயில் (சதரன் வந்தே பாரத் ரயில்) மற்றும் வந்தே மெட்ரோ ரயில் ஆகியவையும் கட்டப்பட்டு வருகின்றன. முதல் வந்தே மெட்ரோ ரயிலின் கட்டுமானப் பணிகள் கடந்த மாதம் நிறைவடைந்தது. இதையடுத்து, ஐசிஎஃப் ஆலை அருகே ரயில் ஓட்டுநர் சோதனை, உள் மற்றும் வெளிப்புற சோதனைகள் நடத்தப்பட்டன. இந்நிலையில், இந்த ரயிலின் சோதனை ஓட்டம் சென்னை-காட்பாடி இடையே சனிக்கிழமை (ஆகஸ்ட் 3) நடைபெறுகிறது. இதில் ரயில்வே ஆராய்ச்சி வடிவமைப்பு மற்றும் தர அமைப்பு அதிகாரிகள், ரயில்வே பாதுகாப்பு ஆணையர், ஐசிஎஃப் உள்ளிட்டோர் பங்கேற்க உள்ளனர்.
இதுகுறித்து, சென்னை ஐசிஎப் அதிகாரிகள் கூறியதாவது: 12 பெட்டிகள் கொண்ட இந்திரா ரயிலில், ஏசி வசதி, பயணிகளுக்கு உகந்த உட்புற அலங்காரம், சொகுசு இருக்கைகள், கண்காணிப்பு கேமரா, அதிநவீன கழிப்பறைகள், தானியங்கி கதவுகள் என அடிப்படை வசதிகள் இருக்கும். ஒவ்வொரு பெட்டியிலும் 104 பேர் இருக்கையுடன் 200 பேர் நிற்க முடியும், இந்த ரயிலின் உள் வடிவமைப்பு ஆகஸ்ட் 3 ஆம் தேதி நடைபெறும்.
முதலில் வில்லிவாக்கத்தில் இருந்து ஆகஸ்ட் 3ம் தேதி காலை 8.15 மணிக்கு புறப்பட்டு 9 மணிக்கு சென்னை கடற்கரை சென்றடையும். தொடர்ந்து, அங்கிருந்து காலை 9.30 மணிக்கு புறப்பட்டு 10.10 மணிக்கு வில்லிவாக்கம் சென்றடையும். வில்லிவாக்கத்தில் இருந்து காலை 10.15 மணிக்கு புறப்பட்டு அரக்கோணம் வழியாக 11.55 மணிக்கு காட்பாடி சென்றடையும். காட்பாடியில் இருந்து மதியம் 12.15 மணிக்கு புறப்பட்டு மதியம் 2 மணிக்கு சென்னை கடற்கரை சென்றடையும். சோதனை ஓட்டத்தின் போது மணிக்கு 180 கி.மீ. வேகத்தில் ரயிலை இயக்க திட்டமிடப்பட்டுள்ளது,” என அதிகாரிகள் தெரிவித்தனர்.
