சென்னை: சென்னையில் நடைபெறும் மொழிபெயர்ப்பு பயிற்சி முகாமில் பங்கேற்க மக்கள் நீதி மய்யம் தலைவர் கமல்ஹாசன் அழைப்பு விடுத்துள்ளார்.
இதுகுறித்து அவர் தனது எக்ஸ் இணையதள பதிவில் கூறியிருப்பதாவது: தமிழில் மொழிபெயர்ப்பு முயற்சிகளை ஊக்குவிக்கும் நோக்கில் கமல் கலாச்சார மையம் “மொழிபெயர்ப்பு பயிற்சி முகாம்” நடத்துகிறது. ஓரான் பாமுக், ஹருகி முரகாமி உள்ளிட்ட பல சர்வதேச எழுத்தாளர்களின் படைப்புகளை தமிழில் மொழிபெயர்த்த எழுத்தாளர் ஜி.குப்புசாமி கற்பிக்கிறார்.
இப்பயிற்சி முகாமில் கலந்து கொள்ள விரும்புவோர் தங்களது தனிப்பட்ட விவரங்களுடன் kamalpanpattumaiyambooks@gmail.com என்ற மின்னஞ்சல் முகவரிக்கு ஆகஸ்ட் 25ஆம் தேதிக்குள் விண்ணப்பிக்கலாம். மேலும், மொழிபெயர்ப்பின் அசல் பதிப்போடு மொழிபெயர்க்கப்பட்ட கட்டுரை அல்லது சிறுகதையை அனுப்பவும். பயிற்றுவிப்பாளரால் தேர்ந்தெடுக்கப்படும் விண்ணப்பதாரர்களுக்கு செப்டம்பர் 26 மற்றும் 27 ஆகிய தேதிகளில் சென்னையில் பயிற்சி அளிக்கப்படும். இவ்வாறு பதிவேட்டில் கூறப்பட்டுள்ளது.
