சென்னை: தமிழகத்தில் இன்று (ஆகஸ்ட் 23) முதல் 6 நாட்களுக்கு ஓரிரு இடங்களில் மிதமான மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. இதுகுறித்து, சென்னை வானிலை ஆய்வு மையம் வெளியிட்ட செய்திக் குறிப்பு: தமிழகத்தை நோக்கி வீசும் மேற்குக் காற்றின் வேகம் மாறுபாடு காரணமாக இன்று முதல் 6 நாட்களுக்கு ஓரிரு இடங்களில் இடி, மின்னலுடன் லேசானது முதல் மிதமானது வரை மழை பெய்யக்கூடும்.
தமிழகத்தில் ஆகஸ்ட். 22ம் தேதி (நேற்று) காலை 8.30 மணியுடன் முடிவடைந்த 24 மணி நேரத்தில் பதிவான மழையின்படி, சேலம் மாவட்டத்தில் அதிகபட்சமாக ஏற்காட்டில் 7 செ.மீ., நீலகிரி மாவட்டம் விண்ட்வொர்த் எஸ்டேட்டில் 6 செ.மீ., பந்தலூரில் 5 செ.மீ., தரங்கம்பாடியில் 4 செ.மீ. மயிலாடுதுறை மாவட்டம். மீ., திருநெல்வேலி மாவட்டம் நாலுக்கு, நீலகிரி மாவட்டம் கிண்ணக்கொரை, தேவாலா, கோவை மாவட்டம் சோலையாற்றில் தலா 3 செ.மீ., அரியலூர் மாவட்டம் செந்துறை, நீலகிரி மாவட்டம் மேல்பவானி, பில்லிமலை எஸ்டேட், திருநெல்வேலி மாவட்டம் ஊத்து, காக்காச்சி, கடலுார் மாவட்டம் காட்டுமன்னார்கோவில் 2 செ.மீ. மழை பதிவாகியுள்ளது.
இன்று முதல் 26ம் தேதி வரை மன்னார் வளைகுடா, தென் தமிழக கடலோர பகுதிகளில் மணிக்கு 35 முதல் 45 கி.மீ. வேகத்தில், இடைவெளியில் மணிக்கு 55 கி.மீ. சூறாவளி காற்றும் வீசக்கூடும். எனவே, இந்த பகுதிகளுக்கு மீனவர்கள் செல்ல வேண்டாம் என அறிவுறுத்தப்பட்டுள்ளது. இவ்வாறு அந்த செய்திக்குறிப்பில் தெரிவிக்கப்பட்டுள்ளது.
