மைசூர்: உலகப் புகழ்பெற்ற மைசூர் தசரா அடுத்த மாதம் தொடங்க உள்ளது. இதில், ஜம்போ சவாரியில் பங்கேற்கும் யானைகளுக்கு, மாநிலத்தில் உள்ள பல்வேறு முகாம்களில் இருந்து அழைத்து வரப்பட்டு, அரண்மனை வளாகத்தில் பயிற்சி அளிக்கப்பட்டு வருகிறது.
காலை 7.45 மணியளவில் தனஞ்செயா மற்றும் கஞ்சன் யானைகளுக்கு இடையே மோதல் ஏற்பட்டது.
இதையடுத்து அரண்மனை ஜெயமார்த்தாண்ட நுழைவு வாயில் அருகே யானைகள் சண்டையிட்டுக் கொண்டு வெளியே வந்தன. இதனால், பொதுமக்கள் மத்தியில் பதற்றம் ஏற்பட்டுள்ளது.
இரண்டு யானைகளும் தடுப்புகளை தள்ளிக்கொண்டு தொட்டகெரே மைதானம் அருகே சாலைக்கு வந்தன. உடனே பாகன்கள் மற்றும் வனத்துறையினர் சம்பவ இடத்திற்கு சென்று அவர்களை அடக்கி அரண்மனைக்கு உடனடியாக அழைத்து வருவதில் வெற்றி பெற்றனர். இதனால், பெரும் அசம்பாவிதம் தவிர்க்கப்பட்டது.
