நியூயார்க்: அமெரிக்காவின் முன்னணி தொழில்நுட்ப நிறுவனங்களின் தலைமை நிர்வாக அதிகாரிகளுடன் நடந்த வட்டமேசை நிகழ்ச்சியில் பிரதமர் மோடி பங்கேற்றார்.
கூகுள் சிஇஓ சுந்தர் பிச்சை, அடாப் சிஇஓ சாந்தனு நாராயண், ஐபிஎம் சிஇஓ அரவிந்த் கிருஷ்ணா ஆகியோர் கலந்து கொண்டனர். பிரதமர் நரேந்திர மோடி மூன்று நாள் பயணமாக அமெரிக்கா சென்றுள்ளார்.
அங்கு நடந்த குவாட் மாநாட்டில் பங்கேற்ற அவர், அமெரிக்க அதிபர் ஜோ பைடன் மற்றும் அமெரிக்காவில் வசிக்கும் இந்திய வம்சாவளியினர் மற்றும் இந்தியர்களை சந்தித்தார். இந்நிலையில், இந்தியா-அமெரிக்கா இடையே தொழில்நுட்ப ஒத்துழைப்பை மேம்படுத்தும் வகையில் தொழில்நுட்ப நிறுவனங்களின் தலைமை நிர்வாக அதிகாரிகள் பங்கேற்ற வட்டமேசை நிகழ்ச்சியில் பிரதமர் மோடி பங்கேற்றார்.
ஏஐ, குவாண்டம் கம்ப்யூட்டிங், செமிகண்டக்டர்ஸ் போன்றவையும் இதில் விவாதிக்கப்பட்டன. இதனை அணுகுவதற்கான சாத்தியக்கூறுகள் குறித்து இந்திய மக்கள் அனைவரும் பேசியதாக தகவல் வெளியாகியுள்ளது. “நியூயார்க் நகரத்தில் தொழில்நுட்ப நிறுவனங்களின் தலைமை நிர்வாக அதிகாரிகளுடன் ஒரு பயனுள்ள வட்டமேசை சந்திப்பு நடைபெற்றது.
இவற்றில் பலவற்றை நாங்கள் விவாதித்துள்ளோம். இந்தியா கண்டுள்ள தொழில்நுட்ப முன்னேற்றங்களையும் நாங்கள் எடுத்துரைத்தோம். இந்த நிறுவனங்கள் இந்தியாவில் வைத்திருக்கும் நம்பிக்கையைக் கண்டு நான் மகிழ்ச்சியடைகிறேன்.
எக்ஸ் தளத்தில் பிரதமர் மோடி ட்வீட் செய்துள்ளார்.
