இலங்கை அதிபர் தேர்தல் கடந்த சில நாட்களாக நடந்த நிலையில், அதற்கு அடுத்த நாளே, மாலை வேளையில் வாக்கு எண்ணிக்கை தொடங்கியது. முதல் சுற்றில் யாருக்கும் 50 சதவிகித வாக்குகள் கிடைக்காததால், இரண்டாம் விருப்ப வாக்கு எண்ணிக்கை நடைபெற்றது.
இந்நிலையில், தேசிய மக்கள் சக்தி கூட்டணியின் தலைவர் அனுர குமார திசநாயக்க 55 விழுக்காடு வாக்குகளைப் பெற்று வெற்றிபெற்றார். 44 விழுக்காடு வாக்குகளுடன் சஜித் பிரேமதாசா இரண்டாம் இடம் பிடித்தார். மூன்றாவது இடத்தில் ரணில் விக்ரமசிங்க் மற்றும் நான்காவது இடத்தில் நமல் ராஜபக்சர் திகழ்ந்தனர், மேலும் 5வது இடத்தை தமிழர்களின் பொது வேட்பாளர் அரியநேந்திரன் பாக்கியசெல்வம் பிடித்தார்.
இன்றைய தினம், அனுர குமார திசநாயக்க இலங்கையின் 9வது அதிபராக பதவியேற்றுக்கொண்டார். கொழும்பில் உள்ள அதிபர் செயலகத்தில் நடைபெற்ற எளிமையான விழாவில், இலங்கை உச்ச நீதிமன்ற நீதிபதி ஜெயந்த ஜெயசூரியா அவருக்கு பதவி பிரமாணம் செய்து வைத்தார். அனுர குமார திசநாயக்க, பதவியேற்பதற்குள் பௌத்த குருக்களிடம் ஆசீர்வாதம் பெற்றார்.
பதவியேற்பு விழாவில் பல்வேறு நாட்டு பிரதிநிதிகள் கலந்துகொண்டனர். பதவியேற்பின் போது உரையாற்றிய அனுர குமார திசநாயக்க, “எனக்கு வாக்களிக்காத மக்களின் நம்பிக்கையை ஊக்குவிக்கும் வகையில் பணியாற்றுவேன். சிங்களர்கள், தமிழர்கள், இஸ்லாமியர்கள் ஒற்றுமையே புதிய தொடக்கத்துக்கான அடித்தளம்” என்று தெரிவித்தார். இதன்மூலம், இலங்கையின் முதல் இடதுசாரி என்ற பெருமையை பெற்றுள்ளார்.
