கொல்கத்தா: மேற்கு வங்க மாநிலம் ஜல்பைகுரியில் இருந்து நியூ ஜல்பைகுரி ரயில் நிலையத்திற்கு சரக்கு ரயில் ஒன்று சென்று கொண்டிருந்தது. இன்று காலை 6.20 மணியளவில் நியூ மைனாகுரி ரயில் நிலையம் அருகே ரயில் தடம் புரண்டது.
ரயிலின் 6 பெட்டிகள் தடம் புரண்டன. இந்த விபத்தில் உயிர்ச்சேதம் ஏதும் ஏற்படவில்லை என அதிகாரிகள் தெரிவித்தனர். விபத்து காரணமாக ரயில்கள் மாற்றுப்பாதையில் திருப்பி விடப்பட்டதால் ரயில் சேவையில் பெரிய அளவில் பாதிப்பு ஏற்படவில்லை என ரயில்வே அதிகாரிகள் தெரிவித்தனர்.
அலிபுர்துவார் கோட்ட ரயில்வே மேலாளர் உள்ளிட்ட ரயில்வே அதிகாரிகள் சம்பவ இடத்திற்கு விரைந்து சென்று சீரமைப்பு பணியில் ஈடுபட்டனர். நியூ மைனாகுரி ரயில் நிலையத்தில் சரக்கு ரயிலின் 6 பெட்டிகள் தடம் புரண்டதாக அலிபுர்துவார் கோட்ட ரயில்வே மேலாளர் அமர்ஜித் கவுதம் தெரிவித்தார்.
போக்குவரத்தை சரிசெய்யும் பணியில் ஈடுபட்டுள்ளோம். விபத்துக்கான காரணம் குறித்து விசாரணை நடத்தப்பட்டு வருவதாகவும் அவர் கூறினார்.
