சென்னை: திருப்பதி லட்டு விவகாரத்தை கிண்டல் செய்து பிரபல யூடியூப் சேனலான ‘பரிதாபங்கள்’ வீடியோ பதிவிடப்பட்டது. கோபி, சுதாகர் மற்றும் டிராவிட் செல்வம் ஆகியோரின் ‘லட்டு பாவங்கள்’ என்ற தலைப்பில் ஒரு வீடியோ கடும் விமர்சனத்திற்கு உள்ளானது, அந்த வீடியோ உடனடியாக நீக்கப்பட்டது.
அந்த வீடியோவுக்கு சேனல் மன்னிப்பும் கேட்டது. வீடியோவை நீக்கிய பிறகும், சேனலைப் பின்தொடர்பவர்கள் அதை பதிவிறக்கம் செய்து சமூக ஊடகங்களில் பகிர்ந்து வருகின்றனர்.
.jpeg)
இந்நிலையில், இந்த விவகாரம் தொடர்பாக ‘பரிதாபங்கள்’ யூடியூப் சேனல் மீது தமிழக பாஜக சார்பில் தமிழக பாஜக விளையாட்டு மற்றும் திறன் மேம்பாட்டுப் பிரிவு மாநிலத் தலைவர் அமர்பிரசாத் ரெட்டி ஆந்திர மாநில டிஜிபியிடம் புகார் அளித்துள்ளார்.
அந்த மனுவில், கோபி, சுதாகர் இயக்கிய ‘பரிதாபங்கள்’ என்ற யூடியூப் சேனலில் ‘லட்டு பாவங்கள்’ என்ற வீடியோ வெளியானது. இந்த வீடியோவில், இந்து நம்பிக்கை மற்றும் அதன் நடைமுறைகளை நேரடியாக குறிவைத்து அவதூறான கருத்துகள் தெரிவிக்கப்பட்டுள்ளன.
குறிப்பாக, ‘மாட்டிறைச்சி’ மற்றும் ‘மீன் எண்ணெய்’ கொண்ட திருப்பதி லட்டு சுவையானது என்று அவர்கள் கூறுவது, இந்த புனித பிரசாதத்தின் மத முக்கியத்துவத்தை குறைத்து மதிப்பிடுகிறது.
மேலும், அந்த வீடியோவில் ஆந்திர முதல்வர் சந்திரபாபு நாயுடு மற்றும் துணை முதல்வர் பவன் கல்யாண் குறித்து அவதூறான கருத்துகள் இடம் பெற்றுள்ளன. எனவே மத உணர்வுகளை சீர்குலைக்கும் வகையில் வீடியோ வெளியிட்டவர்கள் மீது நடவடிக்கை எடுக்க வேண்டும். இவ்வாறு அதில் கூறப்பட்டுள்ளது.
