தஞ்சாவூர்: தமிழக அமைச்சரவையில் ஐந்தாவது முறையாக அமைச்சரவை மாற்றம் செய்யப்பட்டுள்ள நிலையில், தஞ்சாவூர் மாவட்ட தி.மு.க., மூத்த நிர்வாகிகளுக்கு, இடம் கிடைக்கும் என, மிகுந்த நம்பிக்கையுடன் இருந்த நிலையில், இடம் கிடைக்காததால், அதிருப்தியில் உள்ளனர்.
மு.க.ஸ்டாலின் தலைமையிலான அமைச்சரவை 2016-ல் தொடங்கியது. அப்போது டெல்டா மாவட்ட எம்.எல்.ஏ.க்கள் யாருக்கும் அமைச்சரவையில் இடம் கிடைக்கவில்லை.
அப்போது, டெல்டாவில் உள்ள எம்.எல்.ஏ.க்களுக்கு அமைச்சரவையில் இடம் அளிக்க வேண்டும் என அனைவரும் கோரிக்கை வைத்தனர். மு.க.ஸ்டாலின், “முதல்வரே டெல்ட்டாவை சேர்ந்தவர்” என்றும் கூறினார்.
பின்னர் திருவிடைமருதூர் எம்எல்ஏ கோவி.செழியன் தமிழக அரசின் தலைமைக் கொறடாவாக நியமிக்கப்பட்டார். ஆனால், டெல்டாவில் உள்ளவர்களுக்கு அமைச்சர் பதவி வழங்கப்படவில்லை.
இந்நிலையில் கடந்த ஆண்டு அமைச்சரவை மாற்றத்தின் போது தஞ்சாவூர் மாவட்ட திமுக எம்எல்ஏக்கள் 6 பேரில் ஒருவருக்கு அமைச்சரவையில் இடம் கிடைக்கும் என பெரிதும் எதிர்பார்க்கப்பட்ட நிலையில் மன்னார்குடி எம்எல்ஏ டி.ஆர்.பி. ராஜாவுக்கு தொழில் துறை அமைச்சர் பதவி வழங்கப்பட்டது. இதனால் தஞ்சாவூர் மாவட்ட எம்எல்ஏக்கள் ஏமாற்றம் அடைந்தனர்.
இதையடுத்து, கடந்த சில மாதங்களாக, உதயநிதி ஸ்டாலினுக்கு துணை முதல்வர் பதவி வழங்க வேண்டும் என, மாநிலம் முழுவதும், தி.மு.க., பொதுக்குழு கூட்டங்களை நடத்தி, தீர்மானங்கள் நிறைவேற்றப்பட்டது.
அதேபோல், டெல்டா மாவட்டங்களிலும் இந்த கோரிக்கை தீர்க்கமாக நிறைவேற்றப்பட்டது. துணை முதல்வர் பதவி கொடுக்கப்பட்டதும் அமைச்சரவையில் நிச்சயம் மாற்றம் இருக்கும் என்று எதிர்பார்க்கப்பட்டது.
இதில் டெல்டா மாவட்டத்தில் 5 முறை எம்எல்ஏவாக தேர்ந்தெடுக்கப்பட்டவர் திருவையாறு எம்எல்ஏ துரை. சந்திரசேகரன் தனக்கு அமைச்சரவையில் இடம் கிடைக்கும் என்று எதிர்பார்த்தார். அதேபோல், நான்கு முறை எம்.எல்.ஏ.வாக தேர்வு செய்யப்பட்ட கும்பகோணம் சட்டமன்ற உறுப்பினர் சாக்கோட்டை அன்பழகனும் அமைச்சரவையில் இடம் பெறுவார் என மிகுந்த நம்பிக்கையுடன் இருந்தார்.
இந்த நிலையில் டெல்டாவில் 3 முறை எம்எல்ஏவாக தேர்வு செய்யப்பட்டவர் கோவி. செழியனுக்கு தற்போது அமைச்சரவையில் இடம் கிடைத்துள்ளது. இதனால் டெல்டா மாவட்ட திமுக மூத்த நிர்வாகிகளுக்கு அமைச்சரவையில் இடம் அளிக்காததால் திமுகவினர் மத்தியில் அமளி ஏற்பட்டுள்ளது.
