பிரெட் ஜாமூன் செய்து கொடுத்து குழந்தைகளை அசத்துங்கள்

சென்னை: இனிப்பு என்றாலே குழந்தைகளுக்கு மிகவும் பிடிக்கும். இன்று நாம் சுவையான பிரெட் ஜாமூன் செய்வது எப்படி என்று பார்க்கலாம்.

தேவையான பொருட்கள்

மில்க் பிரெட் – 7 துண்டுகள்
பால் பவுடர் – 2 மேசைக்கரண்டி
பால் – 1/2 கப்
ரோஸ் எசன்ஸ் – 2 துளி
சமையல் சோடா – 1/8 தேக்கரண்டி (விரும்பினால் சேர்க்கலாம்)
எண்ணெய் – பொரிப்பதற்கு தேவையான அளவு
சர்க்கரை கரைசலுக்கு
சர்க்கரை – 1/2 கப்
தண்ணீர் – 1/2 கப்
குங்குமப்பூ – சிறிதளவு
ஏலக்காய் பொடி – 1/8 தேக்கரண்டி &1/2 கப்

செய்முறை: பிரட் துண்டுகளின் முனைகளை கத்தரித்து, ஓரமாக வைக்கவும். சர்க்கரை, குங்குமப்பூ மற்றும் ஏலக்காய் பொடியை ஒரு பாத்திரத்தில் ஒன்றாக சேர்த்து, தண்ணீர் ஊற்றவும். சர்க்கரை முழுமையாக கரையும் வரை சூடாக்கவும். இதற்கு சிறிது நேரம் ஆகும். சர்க்கரை சிரப் ஒட்டும் பதத்திற்கு வந்தவுடன், அடுப்பை அணைத்து விடவும்.

சூடானவுடன், ரோஸ் எசன்ஸ் சேர்த்து ஓரமாக வைத்து விடவும். ஒவ்வொரு பிரட் துண்டையும், பாலில் தோய்த்து, லேசாக பிழிந்து, மிக்ஸியில் போடவும், இதே போன்று எல்லா துண்டுகளுக்கும் செய்யவும். பிசைந்த பிரெட் துண்டுகளுடன் பால் பவுடரையும் சேர்த்து, ஓரிரு வினாடிகள் மிக்ஸியை இயக்கவும், மிருதுவான பேஸ்ட்டாக அரைத்துக் கொள்ளவும். சமையல் சோடாவைச் சேர்த்து, நன்கு கலக்கவும். சிறிய பந்தாக உருட்டிக் கொள்ளவும். உருட்டும்போது, அதிக அழுத்தம் தராமல், மிருதுவாக உருட்ட வேண்டும்.

அதைத் தயாரித்து முடித்தவுடன், பாத்திரத்தில் எண்ணெயை சூடாக்கவும். எண்ணெய் சூடானவுடன், ஒருசில பந்துகளாக இட்டு, பொன்னிறமாக குறைந்த சூட்டில் பொரிக்கவும். தொடர்ந்து கரண்டியால் உருட்டிக் கொண்டே எல்லா பக்கமும் சீராக பொரிக்கவும். அவை பொன்னிறமாக பொரிந்தவுடன், டிஸ்யூவில் போட்டு, சிறிதுநேரத்தில் சூடான சர்க்கரை பாகில் போடவும். 2 மணி நேரம் ஊற விடவும். பிறகு எடுத்து பரிமாறவும்.