சிங்கம்புணரி: தொடர் கனமழையால் நிரம்பி வழிந்த மட்டிக்கண்மாயால் ஊர்மக்கள் மகிழ்ச்சி அடைந்துள்ளனர். முக்கியமாக விவசாயிகள் கவலை தீர்ந்துள்ளது என்று தெரிவித்துள்ளனர்.
கடந்த சில நாட்களாக பெய்த கனமழையால், சிங்கம்புணரி வழியாக செல்லும் பாலாற்றில் வெள்ளம் ஏற்பட்டு, 150 ஏக்கர் பரப்பளவிலான மட்டிக்கண்மாய் நிரம்பி வழிந்தது.
வடகிழக்கு பருவமழை தொடங்கிய ஒரே வாரத்தில் கண்மாய் நிரம்பி, மறுகால் பாய்ந்ததால், மலர்களை தூவி பூஜை செய்தும், பட்டாசுகளை வெடித்தும் விவசாயிகள் மகிழ்ச்சியை வெளிப்படுத்தினர்.
இந்த பருவமழையால் இந்த கண்மாய் நிறைந்துள்ளதால் விவசாயப்பணிகளுக்கு தண்ணீர் தட்டுப்பாடு ஏற்படாது என்று விவசாயிகள் தரப்பில் தெரிவித்தனர்.
