சென்னை: சுவையான தாய் ப்ரைட் ரைஸ் எப்படி செய்வது என்பதை தெரிந்து கொள்ளுங்கள். இதை மாலை வேளையில் குழந்தைகளுக்கு செய்து கொடுங்கள். உங்களையே சுற்றி வருவார்கள். இன்னும் வேண்டும்… வேண்டும்… என்று!!!
தேவையானவை
500 கி சாதம்
1 மேசைக்கரண்டி எண்ணெய்
1/2 மேசைக்கரண்டி பூண்டு பேஸ்ட்
2 முட்டைகள்
50 கி காரட், நறுக்கியது
50 கி கோஸ், நறுக்கியது
50 கி ஃப்ரெஞ்ச் பீன்ஸ், நறுக்கியது
1/2 மேசைக்கரண்டி உப்பு
30 மிலி, வெஜிடபிள் ஸ்டாக்
4 சிறிய மிளகாய்கள்
1 மேசைக்கரண்டி மிளகு தூள்
2 மேசைக்கரண்டி வெங்காய தாள்கள், சிறிதாக நறுக்கியது
செய்முறை: எண்ணெயை சூடாக்கி, அதில் பூண்டு பேஸ்டை இட்டு வதக்கவும், பிறகு, முட்டைகள், காரட் மற்றும் கோஸைச் சேர்க்கவும். பிரெஞ்ச் பீன்ஸைச் சேர்த்து, தொடர்ந்து கலக்கவும்.
முட்டை வெந்து, காய்கறிகள் மிருதுவாகத் தொடங்கும் வரை தொடர்ந்து கிளறி விடவும். சாதத்தை இதில் கொட்டி, நன்கு கலக்கவும். உப்பு, வெஜிடபிள் ஸ்டாக், மிளகாய் மற்றும் மிளகுத்தூள் சேர்க்கவும். நன்கு கலக்கவும். வெங்காய தாள்களால் அலங்கரிக்கவும்.
