டேராடூன்: உத்தரகண்ட் மாநிலத்தில் உள்ள ஊர்க்காவல் படையில் 24 பணியிடங்களுக்கு 21,000 பேர் விண்ணப்பித்துள்ளனர். வேலை வாய்ப்புகள் குறைந்தாலும், திறமையான மற்றும் தகுதியான பணியாளர்கள் இல்லை என நிறுவனங்கள் புலம்புகின்றன. படிப்புக்கு வேலை கிடைக்காததால் பட்டதாரிகள் கவலையடைந்துள்ளனர்.
இந்நிலையில், உத்தரகாண்ட் மாநிலத்தில் உள்ள ஊர்க்காவல் படையில் 24 பயிற்றுனர் பணியிடங்கள் காலியாக உள்ளதாக அறிவிக்கப்பட்டுள்ளது. இதற்கான கல்வித் தகுதி 12ம் வகுப்பு மட்டுமே என்றும், வயது வரம்பு 18 முதல் 35 வரை என்றும் தெரிவிக்கப்பட்டுள்ளது.
இந்த நிலையில், இந்த 24 பதவிகளுக்கு கிட்டத்தட்ட 21,000 பேர் விண்ணப்பித்துள்ளனர். விண்ணப்பித்தவர்களில் 70 சதவீதம் பேர் முதுகலை பட்டதாரிகள் என்பது அதிர்ச்சியளிக்கிறது. கர்வால் பகுதியில் இருந்து 12,000 விண்ணப்பங்களும், குமாவோன் பகுதியில் இருந்து 8,500 விண்ணப்பங்களும் பெறப்பட்டுள்ளன.
இவ்வாறு, 21,000 பேர் வெறும் 24 பதவிகளுக்கு விண்ணப்பித்துள்ளனர், இது உத்தரகாண்ட் மாநிலத்தில் நிலவும் வேலையின்மையை தெளிவாகக் காட்டுகிறது.
