புதுச்சேரி: தீபாவளிக்கு புதுச்சேரிக்கு இலவச அரிசி மற்றும் சர்க்கரை வழங்கப்படும் என முதல்வர் ரங்கசாமி அறிவித்துள்ளார். ஆனால் பல இடங்களில் ரேஷன் கடைகள் திறக்கப்படவில்லை. பல தொகுதிகளில் விநியோகிக்கப்படவில்லை. அதேபோல் ரூ.500 மதிப்பிலான மளிகை பொருட்கள் வழங்கப்படும் என அறிவிக்கப்பட்டும் செயல்படுத்தப்படவில்லை.
இன்று வீரம்பட்டினம் மீனவ கிராமத்தில் மீன்பிடி துறைமுகம் கட்டுதல் மற்றும் விரிவாக்கம் செய்வதற்கான பூமி பூஜை நடந்தது. இதில் முதல்வர் ரங்கசாமி கலந்து கொண்டு பூமி பூஜையை தொடங்கி வைத்தார். இதில் பங்கேற்ற முதல்வர் ரங்கசாமி நிருபர்களிடம் கூறுகையில், “புதுச்சேரி வீரம்பட்டினம் மீனவ கிராமத்தில் ரூ.46.16 கோடியில் மீன்பிடி துறைமுகம் கட்டுவதற்கான பூமிபூஜை நடந்தது.
இப்பணிகளை 2 ஆண்டுகளில் விரைந்து முடிக்க கேட்டுள்ளேன்.” இவ்வாறு அவர் கூறினார். அதன்பிறகு, தீபாவளிக்கான ரேஷனில் அனைத்துத் தொகுதிகளிலும் இலவச அரிசி, சர்க்கரை சேர்க்கப்படவில்லையா என்று செய்தியாளர்கள் கேட்டதற்கு, போட்டுட்டு இருக்காங்க “நகருங்க” என்று கோபத்துடன் வெளியேறினார் முதல்வர் ரங்கசாமி.
அதன்பிறகு, எதிர்க்கட்சிகளும், மக்களும் வரவில்லையா என்ற கேள்விக்கு, “போட்டுட்டு இருக்காங்க” என்றார். தெரிந்தே கேட்கிறீர்கள். பயனாளிகளுக்கு வங்கி கணக்கு கிடைக்கும். ஒரே நாளில் அரிசி போட முடியுமா?” முதல்வர் கோபத்துடன் வெளியேறினார்.
