சென்னை: வெற்றிமாறன் இயக்கிய ‘விடுதலை 2’ படத்தின் முதல் பாகம் கடந்த ஆண்டு மார்ச் 31-ம் தேதி திரையரங்குகளில் வெளியானது. இதில் சூரி மற்றும் விஜய் சேதுபதி ஆகியோர் முக்கிய வேடங்களில் நடித்திருந்தனர். இவர்களைத் தவிர, பவானி ஸ்ரீ, பிரகாஷ்ராஜ், கவுதம் வாசுதேவ் மேனன், ராஜீவ் மேனன், சேத்தன் மற்றும் பலர் நடித்திருந்தனர். இளையராஜா இசையமைத்துள்ளார். வேல்ராஜ் ஒளிப்பதிவு செய்த இப்படம் ரசிகர்கள் மத்தியில் நல்ல வரவேற்பை பெற்றது.
இந்த படத்தின் இரண்டாம் பாகம் உருவாகியுள்ளது. இதில் விஜய் சேதுபதி, மஞ்சு வாரியர் ஆகியோர் முக்கிய வேடத்தில் நடிக்கின்றனர். இப்படத்தின் முதல் சிங்கிள் பாடலான ‘தினம் தினமும்‘ வெளியாகி ரசிகர்களிடையே நல்ல வரவேற்பை பெற்றது. இந்நிலையில் இந்த படத்தின் ட்ரைலர் மற்றும் பாடல்கள் நவம்பர் 26-ம் தேதி வெளியாகும் என அறிவிக்கப்பட்டுள்ளது.
படம் டிசம்பர் 20-ம் தேதி திரையரங்குகளில் வெளியாகும் என அறிவிக்கப்பட்டுள்ளது. முந்தைய பாகத்தில் சூரியின் கேரக்டருக்கு அதிக முக்கியத்துவம் கொடுக்கப்பட்ட நிலையில், இந்த பாகத்தில் விஜய் சேதுபதியின் கேரக்டருக்கு அதிக திரை நேரம் இருக்கும் என்று கூறப்படுகிறது.
