சென்னை: விழுப்புரம் மாவட்டம் விக்கிரவாண்டி அருகே உள்ள வி.ரோடு பகுதியில் நடிகர் விஜய்யின் தமிழக வெற்றிக் கழகத்தின் முதல் மாநில மாநாடு அக்டோபர் 27-ம் தேதி நடைபெற்றது. மாநாடு நடத்த விக்கிரவாண்டி பகுதி விவசாயிகள் நிலம் வழங்கி உதவினர். இந்நிலையில் மாநாடு நடத்த இடம் வழங்கிய நிலத்தின் உரிமையாளர்களுக்கு விஜய் விருந்தளித்து கவுரவித்தார்.
சென்னை பனையூரில் உள்ள கட்சி அலுவலகத்தில் சனிக்கிழமை விருந்து நிகழ்ச்சி நடைபெற்றது. விழாவில் விவசாயிகள் குடும்பத்துடன் கலந்து கொண்டனர். அவர்களை தொகுத்து வழங்கிய விஜய் அவர்களுக்கு நன்றி தெரிவித்து குடும்பத்தினரிடம் பேசினார். விவசாயிகளுக்கு தாம்பூலம் போன்ற சிறு பரிசையும் வழங்கினார்.
