மும்பை: “புஷ்பா படத்தில் அல்லு அர்ஜுன் நடித்தது போல் பாலிவுட்டில் இருந்து யாரும் நடிக்க முன்வர மாட்டார்கள். சிக்ஸ் பேக், அழகான ஹீரோயின்கள், பீச், பைக், கவர்ச்சியான பாடல்கள் என்றுதான் அவர்கள் விரும்புகிறார்கள்” என்று பாலிவுட்டில் கடுமையாகத் தாக்கியிருக்கிறார் நடிகை கங்கனா ரனாவத்.
இதுகுறித்து நடிகை கங்கனா ரனாவத் சமீபத்தில் அளித்த பேட்டியில், “பாலிவுட்டில் மக்கள் குமிழியில் வாழ்கிறார்கள். பாலிவுட்டில் எனக்குள்ள முரண்பாடுகளுக்கு இதுவே முக்கிய காரணம். அவர்கள் இந்த குமிழியிலிருந்து வெளியே வர விரும்பவில்லை. அவர்களுக்கு, ஜிம்முக்கு செல்ல வேண்டும், புரோட்டீன் ஷேக் குடிக்க வேண்டும், அதற்கு ஊசி போட வேண்டும். அவர்கள் நிஜத்தில் வாழ்வதில்லை.
‘புஷ்பா’ படத்தில் அல்லு அர்ஜுன் நடித்தது போல் பாலிவுட்டில் இருந்து யாரும் நடிக்க முன்வர மாட்டார்கள். “சிக்ஸ் பேக், அழகான ஹீரோயின்கள், கடற்கரைகள், பைக்குகள், கவர்ச்சியான பாடல்கள்… அதுதான் அவர்களுக்கு வேண்டும். யதார்த்தத்தைப் புரிந்துகொள்வது மிகவும் முக்கியம்” என்று கங்கனா கூறியுள்ளார்.
