லண்டன்: பிரிட்டன் நாடாளுமன்றத்துக்கான பொதுத் தேர்தல் நடைபெற்று வருகிறது. இதன்பிறகு, ரிஷி சுனக் பிரதமர் பதவியை தக்கவைப்பாரா அல்லது இழப்பாரா என்பது விரைவில் தெரியவரும்.
பிரிட்டனில் கடந்த 14 ஆண்டுகளாக கன்சர்வேட்டிவ் கட்சி ஆட்சி செய்து வருகிறது. அந்த கட்சியை சேர்ந்த 5 பேர் பிரதமர் பதவியை வகித்தனர். கடந்த தேர்தலில் வெற்றி பெற்று போரிஸ் ஜான்சன் பிரதமரானார். அவர் ராஜினாமா செய்த பிறகு, லிஸ் ட்ரஸ் பிரதமரானார். 2022-ல் பதவி விலகிய பிறகு, இந்திய வம்சாவளியைச் சேர்ந்த ரிஷி சுனக் பிரிட்டனின் பிரதமராகப் பொறுப்பேற்றார்.
அவரது பதவிக்காலம் 2025 ஜனவரியில் முடிவடைகிறது. ஆனால் பாராளுமன்றம் முன்கூட்டியே கலைக்கப்பட்டது. இன்று ஜூலை 4ம் தேதி தேர்தல் நடைபெறும் என அறிவிக்கப்பட்டது.
இதையடுத்து மொத்தம் 650 உறுப்பினர்களை கொண்ட பிரிட்டன் நாடாளுமன்றத்துக்கு தேர்தல் நடைபெற்று வருகிறது. இந்தத் தேர்தலில் ரிஷி சுனக்கின் கன்சர்வேட்டிவ் கட்சி. மற்றொரு கட்சியான கெய்ர் ஸ்டார்மர் தலைமையிலான லேபர் கட்சி நேரடிப் போட்டியில் உள்ளது. லிபரல் டெமாக்ராட்ஸ், சீர்திருத்த யுகே கட்சி, ஸ்காட்லாந்து தேசியக் கட்சி பசுமைக் கட்சி ஆகியவையும் களத்தில் உள்ளன.
