தமிழில் ‘லெஜண்ட்’ படத்தில் நடித்த இந்திய நடிகை ஊர்வசி ரவுடேலா, தற்போது தெலுங்கில் பாலகிருஷ்ணா நடித்த ‘டாக்கு மகாராஜ்’ படத்தில் நடித்துள்ளார். சில நாட்களுக்கு முன்பு, பிரபல இந்தி நடிகர் சைஃப் அலிகான் மும்பையில் கொள்ளை முயற்சியின் போது கத்தியால் குத்தப்பட்டு மருத்துவமனையில் சிகிச்சை பெற்று வருகிறார்.
இதற்கிடையில், பிரபலங்களின் பாதுகாப்பு குறித்து நடிகை ஊர்வசி ரவுடேலாவிடம் கேட்டபோது, “இது மிகவும் துரதிர்ஷ்டவசமானது” என்று கூறிய அவர், “நான் நடித்த ‘டாக்கு மகாராஜ்’ படம் ரூ. 105 கோடி வசூலை தாண்டியிருக்கிறது. அதற்காக என் அம்மா எனக்கு இந்த வைரம் பதித்த ரோலக்ஸ் வாட்சை பரிசளித்தார். இந்த மினி கைக்கடிகாரத்தை என் தந்தையும் எனக்குப் பரிசளித்தார். ஆனால் அதை வெளியில் அணிவதில் எனக்கு நம்பிக்கை இல்லை.
எங்களை யார் வேண்டுமானாலும் தாக்கலாம் என்ற பாதுகாப்பின்மை எங்களுக்கு உள்ளது,” என்று அவர் கூறினார். சைஃப் அலி கான் மீதான தாக்குதல் குறித்து கேட்டபோது, அவரது படத்தின் வசூல் மற்றும் அவரது வைர ரோலக்ஸ் குறித்து அவர் பேசியது சமூக ஊடகங்களில் சர்ச்சையானது. இதற்காக அவர் ட்ரோல் செய்யப்பட்டார். இந்நிலையில் ஊர்வசி ரவுத்தேலா மன்னிப்பு கேட்டுள்ளார்.
அவர் தனது சமூக வலைதள பக்கத்தில் பதிவிட்டுள்ள பதிவில், “சாய்ஃப் அலி கான் சார், நீங்கள் இருந்த சூழ்நிலையின் தீவிரத்தை முழுமையாக புரிந்து கொள்ளாமல், அறியாமை மற்றும் உணர்வற்ற முறையில் பேசியதற்காக என்னை மன்னியுங்கள். உங்கள் தைரியத்திற்கும் விடாமுயற்சிக்கும் தலைவணங்குகிறேன். எனது ஆதரவை உங்களுக்கு வழங்குகிறேன். எனது நடத்தைக்கு மீண்டும் மன்னிப்பு கேட்டுக்கொள்கிறேன்.
