மும்பையில் நடைபெற்ற 20வது வருடாந்திர தொழில்நுட்ப மாநாட்டில், சிட்டி யூனியன் வங்கி ஏழு பிரிவுகளில் IBA விருதுகளை வென்றது. இந்திய ரிசர்வ் வங்கியின் துணை கவர்னர் டி.ரபி சங்கர், வங்கியின் செயல் இயக்குநர் விஜய் ஆனந்திடம் விருதுகளை வழங்கினார்.
விருது பெற்ற பிரிவுகளில், சிறந்த டிஜிட்டல் விற்பனை, செலுத்தும் முறைகள் மற்றும் ஈடுபாடு, தகவல் தொழில்நுட்ப அபாய மேலாண்மை, நிதி உட்புகுதல் ஆகியவை அடங்கும்.
மேலும், ஏ.ஐ. மற்றும் எம்.எல். உள்வாங்குதல் பிரிவில் இரண்டாம் இடம் பெற்றது. சிட்டி யூனியன் வங்கி 1904ல் தொடங்கப்பட்டு, தற்போது நாடு முழுவதும் 827 கிளைகள் மற்றும் 1,697 ஏடிஎம்கள் செயல்பட்டு வருகின்றன. வாடிக்கையாளர்களுக்காக தொடர்ந்து புதிய டிஜிட்டல் சேவைகளை அறிமுகப்படுத்தி வருவதாக வங்கி நிர்வாகம் தெரிவித்துள்ளது.
