பட்டுக்கோட்டை ஆசிரியைக்கு கல்வித்துறையில் சிறந்த ஆசிரியருக்கான விருது வழங்கல்

தஞ்சாவூர்: கோயம்புத்தூர் ஏ.ஜெ.கே கல்லூரியில் அண்மையில்,
“National Level Excellent Educator Award -2026 விருதளிப்பு நிகழ்ச்சி நடைபெற்றது.

இதில், தஞ்சை மாவட்டம் பட்டுக்கோட்டை அரசு பெண்கள் மேல்நிலைப் பள்ளியில் பணியாற்றி வரும் அறிவியல் பட்டதாரி ஆசிரியர், நல்லாசிரியர் சு.சத்யாவுக்கு பல்வேறு தரப்பட்ட மாணவர்களை வெவ்வேறு வகையில், அவர்களுக்கு ஏற்றார் போல், அறிவியல் சிந்தனைகளை வளர்ப்பதிலும், அறிவியல் சார்ந்த போட்டிகளில் கலந்து கொள்வதிலும், மாவட்டம், மாநிலம் சார்ந்த பல்வேறு அறிவியல் கருத்தரங்கங்கள், ஆய்வுக் கட்டுரைகள் சமர்ப்பித்தல் ஆகியவற்றில் மாணவர்களது தனித் திறமைகளை வெளிக்கொணர்ந்தமைக்காக “Monitoring & Students Support Award” என்ற பிரிவின் கீழ், தற்போதைய இஸ்ரோ தலைவர் டாக்டர் வி.நாராயணனால் விருது மற்றும் சான்றிதழ் வழங்கி கௌரவிக்கப்பட்டது.

இதனை மாவட்ட முதன்மை கல்வி அலுவலர், மாவட்டக் கல்வி அலுவலர்கள், இடைநிலை மற்றும் தொடக்கல்வி, பள்ளி தலைமை ஆசிரியை மற்றும் பள்ளி ஆசிரிய பெருமக்கள் அனைவரும் வெகுவாக பாராட்டினர்.