திருமலை திருப்பதி தேவஸ்தானத்தில் பணிபுரியும் போது, மதம் மாறி இந்து மதத்திற்கு கேடு விளைவிக்கும் செயல்களில் ஈடுபட்ட 18 கோவில் ஊழியர்கள் மீது ஒழுங்கு நடவடிக்கை எடுக்க திருப்பதி தேவஸ்தான அறங்காவலர் பி.ஆர்.நாயுடு உத்தரவிட்டுள்ளார். நவம்பர் 18-ம் தேதி பி.ஆர்.நாயுடு தலைமையில் நடந்த தேவஸ்தான அறங்காவலர்களின் முதல் கூட்டத்தில், திருப்பதி தேவஸ்தானத்தில் பணிபுரியும் போது, இந்து மத சடங்குகளை கடைபிடிப்பதாக உறுதிமொழி எடுத்து, பின்பற்றாமல், பிற மதங்களை ஆதரித்து, அவர்களுக்கான கூட்டங்களில் பங்கேற்ற, 18 மதம் சாராத ஊழியர்களை கண்டறிந்து, அவர்கள் மீது ஒழுங்கு நடவடிக்கை எடுக்க முடிவு செய்யப்பட்டது.
அதற்கு முன் அவர்களின் அன்றாட நடவடிக்கைகள் ரகசியமாக கண்காணிக்கப்பட்டு வந்தது. தற்போது உரிய ஆதாரங்களுடன் நடவடிக்கை எடுக்கப்பட்டுள்ளதாகத் தெரிவிக்கப்படுகிறது. அவர்கள் மீது ஒழுங்கு நடவடிக்கை எடுக்கப்படும் என்றும், திருமலை திருப்பதி தேவஸ்தானத்துக்குச் சொந்தமான எந்தக் கோயில்களிலும், கோயில் தொடர்பான பணிகளிலும் பணியாற்றக் கூடாது என்றும் உத்தரவிடப்பட்டுள்ளது.
மேலும், மதம் சாராத பணியாளர்கள் தேவைப்பட்டால் கட்டாய விடுப்பு எடுக்கலாம் என்றும் அறிவுறுத்தப்பட்டுள்ளது. இந்த 18 பேரைத் தவிர, திருப்பதி தேவஸ்தானத்துக்கு உட்பட்ட பள்ளி, கல்லூரி, மருத்துவமனைகளில் பல சமயப் பணியாளர்கள் பணிபுரிந்து வருகின்றனர். தேவஸ்தான கண்காணிப்பு பிரிவினர் நடத்திய ரகசிய விசாரணையில் இந்துக்களின் பெயர்களிலும், பொய்யான ஜாதி சான்றிதழ் கொடுத்தும் வேலை பார்ப்பது தெரியவந்துள்ளது. இது தொடர்பாகவும் விரைவில் நடவடிக்கை எடுக்கப்படும் என பி.ஆர்.நாயுடு தெரிவித்துள்ளார்.
