நாகர்கோவில்: தமிழக வெற்றி கழகத்திற்கு மாவட்ட வாரியாக நிர்வாகிகள் நியமனம் செய்யப்பட்டு வருகின்றனர். பல்வேறு மாவட்டங்களில் ஜாதி, பண அடிப்படையில் பதவிகள் வழங்கப்படுவதாக நிர்வாகிகள் குற்றம்சாட்டி வருகின்றனர். இந்நிலையில், கன்னியாகுமரி மேற்கு மாவட்ட செயலாளராக எஸ்.சபின் நியமிக்கப்பட்டுள்ளார். இவர் மீது செயின் பறிப்பு உள்ளிட்ட பல்வேறு வழக்குகள் நிலுவையில் உள்ளதாக கூறப்படுகிறது.
குலசேகரம் மாவட்ட செயலாளராக நியமிக்கப்பட்டதற்கு எதிர்ப்பு தெரிவித்து, கட்சியின் பொதுச்செயலாளர் புஸ்ஸி ஆனந்துக்கு சிவா எழுதிய கடிதம் சமூக வலைதளங்களில் வைரலாகி வருகிறது. அதில், ‘தவெக கட்சியின் குமரி மாவட்ட தோழர்கள் சார்பில் ஒரு சில மாவட்ட நிர்வாகிகள் நியமனத்தில் முறைகேடுகள் நடந்துள்ளன. குறிப்பாக மேற்கு மாவட்டச் செயலாளராக நியமிக்கப்பட்ட சபின் அவர்கள் சில விடயங்களை உங்கள் கவனத்திற்குக் கொண்டு வர விரும்புகிறேன். 2018-ல் போலீஸ் பணியில் இருந்த போலீஸ் அதிகாரி மீது கொலைவெறி தாக்குதல் வழக்கு உள்ளது.
செயின் பறிப்பு வழக்கும் 2023-ம் ஆண்டு தான். இதற்கான எப்ஐஆர் எண்ணையும் இணைத்துள்ளேன். இவை மட்டுமல்ல, இன்னும் பல வழக்குகள் உள்ளன. தலைவர் விஜய்க்காக மாவட்ட அளவில் பல ஆண்டுகளாக பணியாற்றி வருவதாலும், வழக்கு உள்ளதாலும் இளைஞர் அணி தலைவர் மாற்றப்பட்டுள்ளார். நாகர்கோவிலில் நிர்வாகி ஒருவர் நீக்கப்பட்டுள்ளார். சாதி பாகுபாட்டின் உச்சத்தில் இருக்கும் சபினை நம்பியதே எங்கள் கட்சி குமரி மாவட்டத்தில் அழிவை நோக்கி பயணிக்க காரணம்.
கார் இருந்தால்தான் கட்சியில் முக்கியப் பொறுப்பு கொடுப்போம் என்கிறார்கள். புதியவர்கள் அனைவரும் பெரிய பொறுப்புகளில் இருக்கிறார்கள். நாங்கள் அனைவரும் போஸ்டர்களுடன் வெளியே நிற்கிறோம். பிப்ரவரியில் தளபதி கையில் ஆம்புலன்ஸ் கொடுத்து ஏமாற்றினார். இப்போதும் ஆம்புலன்ஸ் பிரச்னை தீரவில்லை. பணம் இல்லாவிட்டாலும், நாங்கள் அனைவரும் அந்த காலத்திலிருந்து களத்தில் பணியாற்றி ரசிகர் மன்றத்தை உருவாக்கினோம். எனவே அனைவரையும் அரவணைத்து நடுநிலையாக கட்சியை நடத்தும் வகையில் மாவட்டத்திற்கு ஒரு தலைவர் வழங்கப்பட வேண்டும். இவ்வாறு அந்த கடிதத்தில் கூறப்பட்டுள்ளது.
