புதுடெல்லி: பெண் போலீஸ் அதிகாரிகளை அவதூறாக பேசியதாக கைது செய்யப்பட்ட யூடியூபர் சவுக்கு சங்கர் மீது பொது அமைதிக்கு குந்தகம் விளைவிக்கும் வகையில் செயல்பட்டதாக வழக்கு பதிவு செய்யப்பட்டுள்ளது. சென்னை மாநகர காவல் ஆணையர் உத்தரவின் பேரில் அவர் குண்டர் சட்டத்தின் கீழ் சிறையில் அடைக்கப்பட்டார். இந்நிலையில், தன் மீது பதிவு செய்யப்பட்டுள்ள அனைத்து வழக்குகளையும் ரத்து செய்யக் கோரி யூடியூபர் சங்கர் தாக்கல் செய்த மனு உச்ச நீதிமன்றத்தில் தலைமை நீதிபதி சஞ்சீவ் கண்ணா முன்பு விசாரணைக்கு வந்தது.
அப்போது நீதிபதிகள், ‘‘அவதூறான வார்த்தைகளை தொடர்ந்து பேசிய சங்கர் எத்தனை முறை மன்னிப்பு கேட்பார்? அதை ஏற்க முடியாது’’ என்று கேட்டனர். எனவே இந்த விவகாரத்தில் யூடியூபர் சங்கரின் கோரிக்கையை உச்சநீதிமன்றம் நிராகரித்துள்ளது. மேலும், சங்கர் மீதான அனைத்து வழக்குகளையும் முக்கிய வழக்கோடு சேர்த்து விசாரித்து குற்றப்பத்திரிகை தாக்கல் செய்யலாம். இந்த வழக்குகள் குறித்து ஷங்கர் தனது கருத்தை பகிரங்கமாக வெளிப்படுத்தக்கூடாது. இந்த விவகாரத்தில் அனைத்து வழக்குகளையும் ரத்து செய்ய வேண்டும் என்ற யூடியூபர் சங்கரின் கோரிக்கையையும் உச்சநீதிமன்றம் முற்றிலுமாக நிராகரிக்கிறது. இவ்வாறு நீதிபதிகள் உத்தரவிட்டனர். இந்த உத்தரவு யூடியூபர் சங்கர் மீதான அவதூறு வழக்குகளின் விசாரணையை தடுக்காது.
