தனுஷ் இயக்கத்தில் உருவாகியுள்ள ‘இட்லி கடை’ படத்தின் வெளியீடு தாமதமாகி வருகிறது. ‘நிலவுக்கு என்மேல் என்னடி கோபம்’ படத்திற்கு பிறகு தனுஷ் இயக்கத்தில் உருவாகியுள்ள படம் ‘இட்லி கடை’. இப்படத்தின் படப்பிடிப்பு மதுரை மற்றும் தேனி சுற்றுவட்டார பகுதிகளில் நடைபெற்று வந்தது. முதல் பிரதியின் அடிப்படையில் டான் பிக்சர்ஸ் தயாரிக்கும் இப்படம் ஏப்ரல் 10-ம் தேதி வெளியாகும் என அறிவிக்கப்பட்டிருந்தது.
ஆனால், ‘குட் பேட் அக்லி’ டீஸர் வெளியான பிறகு, ‘இட்லி கடை’ வெளியாக வாய்ப்பில்லை என்று செய்திகள் வெளியாகின. இதை உறுதிப்படுத்தும் விதமாக ஏப்ரல் 10-ம் தேதி வெளியாவதில் இருந்து ‘இட்லி கடை’ பின்வாங்கியுள்ளது. இது தொடர்பான அதிகாரப்பூர்வ அறிவிப்பு விரைவில் வெளியாகும் என தெரிகிறது. படப்பிடிப்பு இன்னும் முடிவடையாததும் ஒரு காரணமாக கூறப்படுகிறது. தனுஷின் அடுத்த படமான ‘குபேரா’ ஜூன் 20-ம் தேதி ரிலீஸ் ஆக உள்ளது.
அதன் பிறகுதான் ‘இட்லி கடை’ வெளியாகும் என்று தெரிகிறது. தனுஷ் இயக்கியுள்ள இப்படத்தில் ராஜ்கிரண், அருண் விஜய், நித்யா மேனன் மற்றும் பலர் முக்கிய வேடங்களில் நடித்துள்ளனர். ஜி.வி. பிரகாஷ் இசையமைப்பாளராக பணியாற்றி வருகிறார்.
