பெட்ரோலில் எத்தனால் கலப்படத்திற்கான தேவை காரணமாக, மக்காச்சோளம் சாகுபடியில் விவசாயிகளின் ஆர்வம் அதிகரிக்கிறது. இதனால், நடப்பாண்டு காரீப் பருவத்தில், 6ம் தேதி நிலவரப்படி, 87.26 லட்சம் ஏக்கர் பரப்பளவில் மக்காச்சோளம் சாகுபடி செய்யப்பட்டுள்ளது. இது கடந்த ஆண்டு இதே காலத்தை விட 5.31 சதவீதம் அதிகம்.
மகாராஷ்டிரா மற்றும் மத்தியப் பிரதேசத்தில் மக்காச்சோளத்தின் பரப்பளவு கணிசமாக அதிகரித்துள்ளது. இதற்கு எதிராக கர்நாடகா, ராஜஸ்தான் மற்றும் உ.பி. போன்ற மாநிலங்கள் சற்று ஏற்றம் கண்டுள்ளன. ஆனால், தெலுங்கானா, ஒடிசா மாநிலங்களில் மக்காச்சோளம் சாகுபடி பரப்பு குறைந்துள்ளது.
ஆராய்ச்சியாளர்களின் கூற்றுப்படி, தென்மேற்கு பருவமழையின் நல்ல நிலை கடந்த ஆண்டை விட தற்போதைய மக்காச்சோள விதைப்பை மேம்படுத்தியுள்ளது. மேலும், ஒரு குவிண்டாலுக்கு அரசு நிர்ணயித்த குறைந்தபட்ச ஆதரவு விலையை விட, சந்தையில் அதிக விலை கிடைப்பதால், மக்காச்சோள விவசாயத்தில் ஆர்வம் அதிகரிக்கிறது. மேலும், எத்தனால் உற்பத்திக்கான சோளத்தின் தேவை எதிர்காலத்தில் மேலும் அதிகரிக்கும் என கணிக்கப்பட்டுள்ளது.
