திருப்பதி தேவஸ்தானத்துக்கு கலப்பட நெய் விநியோகம் விவகாரம் தொடர்பாக உச்ச நீதிமன்ற உத்தரவின் பேரில் கடந்த 2 நாட்களாக திருமலை, திருப்பதி, திண்டுக்கல் உள்ளிட்ட பகுதிகளில் சிபிஐ அதிகாரிகள் தலைமையிலான சிறப்பு புலனாய்வுக் குழுவினர் தீவிர விசாரணை நடத்தி வருகின்றனர்.
முந்தைய ஜெகன்மோகன் ரெட்டி ஆட்சியில் திருமலை திருப்பதி தேவஸ்தானத்திற்கு பிரசாதம் தயாரிக்க விலங்குகளின் கொழுப்பில் நெய் கலந்ததாக எழுந்த புகாரை விசாரிக்க ஆந்திர அரசு முதலில் சிறப்பு புலனாய்வு குழுவை நியமித்தது. 3 நாள் விசாரணையில், அறங்காவலர் குழு முன்னாள் தலைவர் ஒய்.வி. சுப்பாரெட்டி உள்ளிட்டோர் சுப்ரீம் கோர்ட்டில் மனு தாக்கல் செய்தனர். இதை விசாரித்த நீதிமன்றம், விசாரணை நடத்த சிபிஐ அதிகாரிகள் தலைமையிலான குழுவை நியமித்தது.
இதையடுத்து ஆந்திர அரசு நியமித்த விசாரணை குழு ரத்து செய்யப்பட்டு 2 சிபிஐ அதிகாரிகள் கொண்ட குழு நியமிக்கப்பட்டது. அதன்படி திருமலை, திருப்பதி, திண்டுக்கல் உள்ளிட்ட பகுதிகளுக்குச் சென்ற சிபிஐ குழுவினர் தீவிர விசாரணை நடத்தி வருகின்றனர். 2-வது நாளான நேற்று திருப்பதி கிழக்கு காவல் நிலையத்திலும், தேவஸ்தான மார்க்கெட்டிங் துறையிலும் விசாரணை நடத்தப்பட்டது. இது தொடர்பாக திருமலை திருப்பதி தேவஸ்தானம் அளித்த புகாரின் பேரில் திருப்பதி கிழக்கு காவல் நிலைய போலீஸார் மேற்கொண்ட நடவடிக்கைகள் குறித்து விசாரணை நடத்தப்பட்டது.
இதேபோல் ஜெகன்மோகன் ரெட்டி ஆட்சியில் நெய்க்கு டெண்டர் போட்டது யார் என்று சிபிஐ அதிகாரிகள் விசாரணை நடத்தினர். டெண்டரில் எத்தனை பேர் கலந்து கொண்டனர்? அவர்கள் குறிப்பிட்ட விலை என்ன? டெண்டர் எடுத்தது யார்? அந்த டெண்டரின் நிபந்தனைகள் என்ன? முதலியன திருப்பதி தேவஸ்தானத்துக்கு ஏற்கனவே நெய் சப்ளை செய்த திண்டுக்கல் ஏஆர் பால் நிறுவனத்துக்கு சிபிஐ சிறப்புக் குழு நேரில் சென்று விசாரணை நடத்தியது குறிப்பிடத்தக்கது.
