நாகப்பட்டினம்: நாகை மாவட்டம் நாகூர் ஆண்டவர் தர்காவின் 468-வது ஆண்டு கந்தூரி விழா நாளை கொடியேற்றத்துடன் தொடங்குகிறது. இதையொட்டி நேற்று காலை நாகூர் ஆண்டவர் தர்காவில் மரக்கட்டைகள் ஏற்றும் பாரம்பரிய விழா தொடங்குகிறது.
முன்னதாக தர்கா தலைமை அறங்காவலர் முகமது ஹாஜி உசேன் சாகிப் தலைமையில் சிறப்பு துஆ ஓதப்பட்டது. தொடர்ந்து, 5 மினாராக்களிலும் குண்டாந்தடிகள் முழங்க கோலமிட்டனர். அப்போது அங்கு கூடியிருந்த ஆயிரக்கணக்கான இஸ்லாமியர்களுக்கு பாரம்பரிய களிமண் தட்டில் தப்ரூக் எனப்படும் சர்க்கரை வழங்கப்பட்டது. இந்நிகழ்ச்சியில், மத நல்லிணக்கத்திற்கு எடுத்துக்காட்டாக, மூன்று மதங்களைச் சேர்ந்த ஏராளமானோர் கலந்து கொண்டனர்.
நாளை கொடியேற்றத்துடன் துவங்கும் கந்தூரி திருவிழாவின் முக்கிய நிகழ்ச்சியான சந்தனக்கூடு ஊர்வலம், டிச., 11-ம் தேதி இரவு நாகையில் துவங்கி, 12-ம் தேதி அதிகாலை நாகூர் வந்தடைகிறது. அங்கு மகா பெரியவருக்கு சந்தனம் சாற்றும் நிகழ்ச்சி நடைபெறுகிறது. இதற்காக தமிழக அரசு சார்பில் 45 கிலோ சந்தனக் கட்டை தர்கா நிர்வாகத்துக்கு இலவசமாக வழங்கப்பட்டுள்ளது. மேலும், அன்றைய தினம் 100 சிறப்பு பேருந்துகள் இயக்கப்படும்.
